Մթության քողի տակ գործող իշխանությունը
Հասարակությունը պառակտելու, առնվազն երկու մասի բաժանելու իշխանությունների ձգտումը հասավ նաեւ շախմատին: Հայաստանում շախմատային աշխարհը երբեք մասնատված, պառակտված, թշնամացած չի եղել: Ծագած հարցերն էլ լուծվել են շահագրգիռ քննարկումների միջոցով:
Ինչպես Հայաստանը հանրությանն են բաժանել սեւերի եւ սպիտակների, հիմա էլ փորձում են շախմատային աշխարհում հեղափոխականներ եւ հակահեղափոխականներ գտնել:
Բացի հասարակությունը սեւի եւ սպիտակի պառակտելու ձգտումից, այս իշխանություններին բնորոշ են նաեւ թաքուն՝ մթության քողի տակ կայացվող որոշումները: Հենց այսպես, հասարակության աչքից հեռու Երեւանի շախմատի ֆեդերացիայի նախագահ է ընտրվել ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Մխիթար Հայրապետյանը:
Ֆեդերացիայի նախագահի ընտրությունները նախատեսված էին միայն հաջորդ տարի, բայց հանկարծ որոշում կայացվեց արտահերթ նիստ հրավիրել եւ նոր նախագահ ընտրել: Առանց շախմատային աշխարհի ներկայացուցիչների հետ խորհրդակցելու, առանց նրանց կարծիքը հաշվի առնելու շախմատին պարտադրվեց հեղափոխական Մխիկը:
Շախմատը մի կողմ թողնենք եւ կենտրոնոնանք ՔՊ-ի գործելաոճին, որը միայն ու միայն կրկլնում է ՀՀԿ-ի ամենավատ ավանդույթները: Ամենուր խցկել ՔՊ-ականներին, ամեն ինչ ՔՊ-ականացնել: Սա է այս իշխանությունների ձգտումը: ՔՊ-ականացնել գործադիր իշխանությունը, օրենսդիրը, ֆուտբոլի ֆեդերացիան, շախմատի ֆեդերացիան: Հերթը կհասնի բաթմինթոնի ու բռնցքամարտի ֆեդերացիաներին:
Վերադառնանք շախմատին: Մթության քողի տակ, Շուրայի եւ Պանիկովսկու ոճով Տարոն Մարգարյանին հեռացրին ֆեդերացիայից եւ նրա փոխարեն շախմատային աշխարհին պարտադրեցին Նիկոլ Փաշինյանի կողքին առավել հպարտ քայլած Մխիթար Հայրապետյանին, որը մինչ այժմ ոչ մի ավանդ չունի շախմատի զարգացման գործում եւ անգամ ձգտում էլ չի ունեցել:
Խուժանապետության ոճով նախագահության ավելի քան քսան անդամի չեն հրավիրել նիստին, փոխարենը չգիտես ինչ ճանապարհով նախագահության անդամ են սարքել ում ասես, նիստ արել եւ նախագահ ընտրել Մխիկին:
Քանդել ցանկացած պատրաստի կառույց, սա է այս իշխանությունների կրեդոն: Հերթը հասավ շախմատին: Հեղափոխությունը շուտով կխժռի նաեւ շախմատային աշխարհը: Արդեն հին ընկերներին միմյանց շնամացնում են, իսկ սա ամենաարագ ճանապարհն է համակարգը քանդելու համար:
Գեղամ Նազարյան
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Հանրությանը մոլորեցնելու նպատակ ունեցող ապատեղեկատվություն
Եվրահանձնաժողովն իր աջակցությունն է հայտնել Լեհաստանի վարչապետին
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ