Մոտեցնել ցանցառապետության ավարտը

«Վերնատուն» հասարակական-քաղաքական ակումբի նախագահ Վազգեն Մանուկյանի տարածած հայտարարությունն էապես տարբերվում է մեր օրերի լրահոսում տեղ գտած տարատեսակ լուրերից, կարծիքներից, տեսակետներից եւ հայտարարություններից։

Վազգեն Մանուկյանը, լինելով պետության ստեղծման ակունքներում կանգնած մարդ, որը լուրջ դերակատարում է ունեցել պետության կայացման եւ զարգացման գործում, այսօր ահազանգում, զգուշացնում է առկա մարտահրավերների, առկա վտանգների մասին եւ խոսում այս երկրի ներկայով եւ ապագայով մտահոգ մարդկանց համախմբման անհրաժեշտության մասին։

Նա ոչ պոպուլիստ եւ ոչ էլ արկածախնդիր գործիչ է, վայելում է հանրության տարբեր շերտերի հարգանքն ու վստահությունը, որը կարող է թակել մեզնից յուրաքանչյուրի դուռը եւ զրուցել ներկայացնելով առկա կնդիրներն ու մարտահրավերները եւ ցույց տալ դրանց լուծման եւ հաղթահարման ուղիները։

Վազգեն Մանուկյանի հայտարարությունը կարող է լավ ճանապարհային քարտեզ հանդիսանալ այս երկրի ապագայով մտահոգ բոլոր քաղաքացիների եւ քաղաքական ուժերի հետագա քայլերի համար։

Այսօր Հայաստանում իրավիճակն այնպիսին է, որ առողջ ուժերի համախմբումն արդեն իսկ անհրաժեշտություն է առկա ցանցառապետության ավարտը մոտեցնելու համար,եւ այդ համախմբումը կարող է կայանալ հենց Վազգեն Մանուկյանի շուրջ, որը հաստատ իշխանությունը տասը կամ քսան տարով ուզուրպացնելու մղումներ չունի, չի երազում 400 հազար դոլարանոց ուղեւորությունների, էժան հեղինակության եւ ուղղաթիռային ճանապարհորդությունների, կառավարական այս ամառանոցից այն ամառանոցը տեղափոխվելու, մարդկանց ասֆալտին փռելու մասին։

Առկա ցանցառապետությունն արդեն վտանգում է Հայաստանի, այդ թվում Արցախի անվտանգությունը։ Անհրաժեշտ են կոնկրետ եւ խորքային քայլեր իրավիճակը արմատապես փոխելու համար։

Գեղամ Նազարյան

Top-News.am