Հայաստանում նախատեսվում է առաջիկայում օպտիմալացնել մարզպետարանների հաստիքը. պաշտոնյա
Հայաստանում առաջիկայում նախատեսվում է օպտիմալացնել մարզպետարանների հաստիքը։ Այս մասին ՀՀ Ազգային ժողովի նիստում, «Տարածքային կառավարման մասին» օրենքում եւ հարակից օրինագծերում փոփոխություններ եւ լրացումներ կատարելու մասին օրինագծերի փաթեթի քննարկման ընթացքում, հոկտեմբերի 1-ին ասաց տարածքային կառավարման եւ ենթակառուցվածքի փոխտնօրեն Վաչե Տերտերյանը։
Նրա խոսքով՝ բոլորը ինտուիտիվ կերպով հասկանում են, որ, ավելի շուտ, ինչ-որ կրճատումներ են սպասվում, «բայց չարժե վախենալ դրանից»։ «Չեմ կարծում, թե կրճատումները համատարած կլինեն եւ այդքան մասշտաբային»,- նշել է պաշտոնյան։
Իր հերթին, կառավարող «Իմ քայլը» դաշինքի պատգամավոր Վարազդատ Կարապետյանն ընդգծել է, որ կառավարությունը պետք է ձեռնարկի շատ որոշակի քայլեր մարզպետարանների անձնակազմի թվաքանակը ճշտելու համար, քանի որ, նրա կարծիքով, ակնհայտ է, որ մարզպետարաններն աշխատակիցների չարդարացված մեծ թիվ ունեն։ Պատճառն այն է, որ երբ մարզպետարանները վերջնականապես ձեւավորվել են, նրանց տրամադրվել են անսահմանափակ գործառույթներ, եւ նրանք որոշել են ստանձնել ինչպես գյուղական համայնքների գործառույթները, այնպես էլ իրենց հարմարեցնել պետական կառավարման համակարգը։ «Արդյունքում, ըստ էության, ստեղծվել է առավելագույն չափի արհեստական ինստիտուտ»,- նկատել է պատգամավորը։
Կարապետյանի դիրքորոշմանը համաձայնեց նաեւ «Լուսավոր Հայաստանի» պատգամավոր Անի Սամսոնյանը, որը նշեց, որ մարզպետարաններն ամեն կերպ միջամտել են գյուղական ղեկավարության գործերին՝ չնպաստելով իրական հանապազօրյա խնդիրների լուծմանը։ «Եվ անկախ նրանից, թե ով է լինելու իշխանությունում, մարզպետերը կշարունակեն մնալ հենց այդպիսի քաղաքական գործիք»,- ասել է Սամսոնյանը։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Ստեփանծմինդա-Լարս ավտոճանապարհը փակ է բեռնատարների համար
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)