Երեւանի հեռուստաաշտարակի լուսավորության համակարգն անմխիթար վիճակում է. քաղաքապետարանը ելքը գտել է
Երեւանի 308 մետր բարձրություն ունեցող հեռուստաաշտարակի գեղարվեստական լուսավորության համակարգը անհատույց կհանձնվի ՀՀ բարձր տեխնոլոգիական արդյունաբերության նախարարության «Հայաստանի հեռուսատատեսային եւ ռադիոհաղորդիչ ցանց» ՓԲԸ-ին: Այս նախագիծն ընդգրկված է Երեւանի ավագանու հոկտեմբերի 8-ին տեղի ունենալիք նիստի օրակարգում:
Նշենք, որ հեռուստաաշտարակի լուսավորության համակարգի արժեքը մոտ 37,2 մլն դրամ է:
Որոշման հիմնավորման մեջ, մասնավորապես, ասվում է. «Երեւանի 308 մետր բարձրությամբ հեռուստաաշտարակի գեղարվեստական լուսավորության համակարգը տեղադրվել է Երեւանի քաղաքապետարանի կողմից 2011 թվականին եւ հաշվառված է Երեւանի քաղաքապետարանի հաշվեկշռում:
Տեղադրումից հետո համակարգը փաստացի չի սպասարկվել եւ ներկայումս գտնվում է անմխիթար վիճակում: Երեւանի քաղաքապետարանը՝ ի դեմս «Երքաղլույս» փակ բաժնետիրական ընկերության, վճարում է միայն ծախսած էլեկտրաէներգիայի համար:
Հայաստանի Հանրապետության բարձր տեխնոլոգիական արդյունաբերության նախարարության «Հայաստանի հեռուսատատեսային եւ ռադիոհաղորդիչ ցանց» փակ բաժնետիրական ընկերությունը պատրաստակամություն է հայտնել իրականացնելու լուսավորության համակարգի վերականգման եւ արդիականացման համապատասխան աշխատանքները, ինչպես նաեւ իր վրա վերցնել հետագա շահագործումը, պայմանով, որ Երեւանի քաղաքապետարանը հեռուստաաշտարակի գեղարվեստական լուսավորության համակարգն անհատույց հանձնի ընկերության հաշվեկշիռ:
Ելնելով վերոգրյալից առաջարկվում է Երեւան քաղաքի ավագանու որոշմամբ Երեւան քաղաքի սեփականություն համարվող գույքը նվիրել Հայաստանի Հանրապետության բարձր տեխնոլոգիական արդյունաբերության նախարարության «Հայաստանի հեռուստատեսային եւ ռադիոհաղորդիչ ցանց» փակ բաժնետիրական ընկերությանը»:


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Ստեփանծմինդա-Լարս ավտոճանապարհը փակ է բեռնատարների համար
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)