Նիկոլ Փաշինյանը գերագույն գլխավոր հրամանատա՞րն է. Արմեն Գրիգորյանը մեկնաբանեց Սահմանադրությունը
Հայաստանը փաստացի պատերազմական իրավիճակի մեջ է և Սահմանադրությունը որոշակի չափով պատասխանում է այն հարցին, թե Նիկոլ Փաշինյանը գերագույն գլխավոր հրամանատարն է, թե՞ ոչ։ Այս մասին այսօր՝ սեպտեմբերի 26–ին կառավարությունում լրագրողների հետ ճեպազրույցում հայտարարեց Անվտանգության խորհրդի քարտուղար Արմեն Գրիգորյանը՝ արձագանքելով Նիկոլ Փաշինյանի՝ իրեն գերագույն գլխավոր հրամանատար անվանելու շուրջ ծավալված քննարկումներին։
«Գիտեք, որ սահմանադրական փոփոխություններից հետո Սահմանադրության մեջ նշվել է, որ կա գերագույն գլխավոր հրամանատար միայն պատերազմական իրավիճակում, ես կարող եմ հարց տալ՝ ՀՀ–ն հիմա պատերազմի մե՞ջ է, թե՞ ոչ։ Փաստացի մենք պատերազմի մեջ ենք, ես հասկանում եմ, որ Սահմանադրությունը շատ կարևոր է, սակայն Սահմանադրությունը ֆիքսել է մի բան, որն իրականության հետ որոշակի խնդիրներ ունի»։
ԱԽ քարտուղարը շեշտեց՝ եթե ՀՀ-ն թեկուզ փաստացի հիմա պատերազմի մեջ է, ապա Սահմանադրությունը պատասխանում է գերագույն գլխավոր հրամանատարի մասին հարցին. «Սահմանադրությունը փոխողը, քանի որ մեկ անձի համար սահմանադրություն էր գրվում, ես դեմ եմ եղել սահմանադրական փոփոխություններին և նաև այդ կետին, բազմիցս խոսել եմ, որ դա բաց է առաջացնում, և մենք հիմա էլ մեր քննարկումներում բախվում ենք այդ խնդիրներին։ Եթե մենք հիմա պատերազմի մեջ ենք, ապա Սահմանադրությունը որոշակի չափով նաև ինձ համար պատասխանում է այդ հարցին»։
Նշենք, որ մինչև 2015թ. գործող Սահմանադրությամբ՝ զինված ուժերի գերագույն գլխավոր հրամանատարը նախագահն էր, իսկ ՀՀ գործող սահմանադրության համաձայն՝ զինված ուժերի գերագույն հրամանատարը վարչապետն է միայն պատերազմի ժամանակ։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կրկին ակտիվացել են ՆԳՆ անունից զեղծարարության փորձերը
Ստեփանծմինդա-Լարս ավտոճանապարհը փակ է բեռնատարների համար
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Միլանը հյուրընկալվել էր Ջենոային
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)