Միակ ճանապարհը՝ անօրինական կուլակաթափություն
«Հրապարակ»-ը գրում է․
«Ցավալի է, երբ հեղափոխությունից մեկուկես տարի անց եւս նոր իշխանությունների միակ թշնամին նախկիններն են, միակ գործիքակազմը՝ հանրահավաքները, միակ զենքը՝ Նիկոլ Փաշինյանի բոցաշունչ ելույթները։ Բայց հասարակությունը ո՛չ հանրահավաքներ է ուզում, ո՛չ պոեզիայի բարձրակարգ գործերի արտասանություն, ո՛չ հաթաթաներ ու պատին խոսքով ծեփելու շոուներ։ Մարդիկ հոգնել են տեսարաններից։ Եվ եթե անգամ ոմանք ակնկալում են, որ բռնել-դատելու պրոցեսը պետք է շարունակություն ունենա, եւ ՀՀ վարչապետը պետք է «գլխից բռնի», ապա միայն նրա համար, որ ՀՀ բյուջեն լրացուցիչ մուտքեր ունենա, եւ իրենց՝ շարքային քաղաքացիների կյանքը բարելավվի։ Սակայն փաստ է, որ բռնել-բաց թողնելու ակցիաներից մեր բյուջեն ոչինչ չի շահում, համենայնդեպս՝ նախկին հանցագործ ռեժիմից գանձված միլիարդների մուտքերի մասին տեղեկատվություն մինչ օրս չկա, հարկեր-ՀՆԱ հարաբերակցությունը չի փոխվել եւ անգամ մի փոքր զիջում է Սերժ Սարգսյանի ժամանակներին։
Հարուցված գործերով էլ առաջընթաց չկա։ Իսկ երեկ տեղեկատվություն հրապարակվեց, որ ո՛չ Սերժ Սարգսյանի, ո՛չ նրա փեսայի նկատմամբ հարուցված քրեական գործ չկա։ Իսկ ինչ վերաբերում է նախկիններին 1998 թվականի ունեցվածքի սահմանագծին «վերադարձնելու» խոստումներին, ապա պարզ չէ, թե դա ինչ եղանակով է արվելու, եթե չկան հարուցված քրեական գործեր, եւ անգամ Վովա Գասպարյանի նկատմամբ հարուցված քրգործը վերաբերում է ռազմական ոստիկանության երկու ծառայողների՝ իրենց պարտականություններից դուրս այլ աշխատանքի ուղարկելու անհասկանալի մեղադրանքին։ Մնում է եզրակացնել, որ նոր իշխանություններն «ուզում են, բայց չեն կարողանում», եւ նրանց մնում է մի ճանապարհ՝ անօրինական եղանակով «կուլակաթափ» անելը, որը բնորոշ է բոլոր հեղափոխություններին։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Ստեփանծմինդա-Լարս ավտոճանապարհը փակ է բեռնատարների համար
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)