Այսպես է մտածում երկրի առաջին օլիգարխը
« .... Ցանկացած պետական մարմին այդ իրավունքը պետք է ունենա ցանկացած կազմակերպություն ստուգելու եւ հասկանալու, թե այդ կազմակերպությունը պետության նկատմամբ իր պարտավորությունները կատարել է, թե ոչ...»,- ասում է ՀՀ առաջին հիմնադիր օլիգարխ Խաչատուր Սուքիասյանը:
Ամբողջ քաղաքակիրթ աշխարհը գնում է հակառակ ճանապարհով՝ բիզնեսին թույլ տալ աշխատել, բիզնեսին չխեղդել ստուգումներով, իսկ ՊԵԿ-ը դիտարկել որպես բիզնեսի գործընկեր՝ այլ ոչ թե պատժիչ մարմին։
Խաչատուր Սուքիասյանը Նիկոլ Փաշինյանին դուր գալու համար առաջարկում է վերադառնալ 90-ականների բարքերին։
Մեր երկիրը, այնպես ինչպես հետխորհրդային մի շարք պետություններ, երկար տարիների ընթացքում աստիճանաբար հրաժարվեց հենց այս ամենավտանգավոր մտածելակերպից:
Պարոն Սուքիասյան, ոչ, պետական ցանկացած մարմին չպետք է իրավունք ունենա մտնել ցանկացած կազմակերպություն։ Դա անցած դար է։ Երկար տարիների ընթացքում մեզ հաջողվել էր ուժայիններին հեռու պահել բիզնեսից, տասնյակ ստուգող մարմիններին արգելել անարգել մտնել բիզնես, որովհետեւ դա արգելակում էր գործարար միջավայրը, դա կոռուպցիայի, բիզնես խլելու, մրցակցությունից հանելու ամենապարարտ միջավայրն էր։
Կա վարկած, թե Խաչատուր Սուքիասյանը վարչապետ Փաշինյանի ամենաազդեցիկ խորհրդատուներից մեկն է։ Մենք չգիտենք, դա այդպես է, թե դա ցանկություն է, բայց սա այն դեպքն է, երբ Փաշինյանն ուղղակի չպետք է լսի Սուքիասյանին, եթե, իհարկե, չի ուզում ամբողջ բիզնես դաշտը թշնամանա իր հետ։
Մենք հազիվհազ ազատվել էինք վայրի իննսունականների գործելաոճից, երբ տարատեսակ ստուգող կազմակերպությունները անդադար ստուգումներ էին իրականացնում այս կամ այն գործարարին պատկանող հիմնարկ-ձեռնարկություններում եւ ուժային կառույցների ակտիվ միջամտությամբ ստանում այն, ինչի համար կազմակերպել էին «օրենքի տառին համապատասխան» ստուգումները:
Իր հարցազրույցի մյուս հատվածում Սուքիասյանը կտրականապես ժխտում է, թե Ծառուկյանի ընկերությունները թիրախավորված են։
Ստացվում է, այնպես, որ այս երկրում բոլոր իշխանությունները ինքնահաստատվում են Ծառուկյանի մոտ ստուգումներ անելով։ Սերժ Սարգսյանը մի ամբողջ միջգերատեսչական հանձնաժողով էր ստեղծել Ծառուկյանի մոտ աննախադեպ ծավալուն ստուգումների համար։
Հետո եղավ հեղափոխություն՝ ու հիմա էլ հեղափոխական իշխանություններն են ստուգումներ սկսել։ Թիրախավորումն էլ ինչպե՞ս է լինում։ Ցինիկ է հնչում, բայց համ Գագիկ Խաչատրյանն էր ստուգում Ծառուկյանին, համ Խաչատրյանին նստեցնողները։ Գուցե այս ամենը Սուքիասյանի համար կոմֆորտ միջավայր է, բայց պետության համար հաստատ լավ բան չի խոստանում։
Անժամկետ եւ անակնկալ ստուգումներ, բանկային գաղտնիքի վերացում, գույքահարկի անիմաստ բարձրացում: Եթե սա էր տնտեսական հեղափոխությունը, եթե սրա ջատագովն է Խաչատուր Սուքիասյանը, ապա միայն կարող ենք արձանագրել, որ շատ շուտով մենք արձանագրելու ենք հայաստանյան բիզնեսի վախճանը:
Top-News.am
Սամվել Կարապետյանի հայտարարությունից հետո Փաշինյանն իր մոտ է կանչել Հայկ Կոնջորյանին
«Բարով-խերով գնամ Թուրքիա գամ, հետո իրանց կասեմ` փիղն ինչ թռչուն է»
Իրանը գրոհել է իսրայելական կործանիչների բազաները
«Այն, ինչ կատարվում է Սամվել Կարապետյանի ու նրա ընտանիքի նկատմամբ, ամոթալի և անթույլատրելի է». ՀՀ նա...
Իսրայելն անօդաչու թռչող սարքեր է արձակել Նախիջևանից և Ղարաբաղից. Իրանցի քաղաքագետ
Սամվել Կարապետյանի նկատմամբ քրեական վարույթ է նախաձեռնվել
Սա կարող է ծանր հետևանքներ ունենալ Փաշինյանի համար. Ֆրանց Կլինցևիչ
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
Ինչո՞ւ ՌԴ-ն իր քաղաքացիներին Իրանից տարհանելու համար առաջին իսկ օրերից չօգտագործեց Հայաստանով անցնող...
Պատրաստ ենք հարձակման անցնել Իրանի դեմ. Քրդստանի ազատության կուսակցության առաջնորդ