Դեպքի ժամանակ ես տանն եմ եղել. մարզպետի ձերբակալված օգնականը նաև իր խնամին է
Ինչպես արդեն տեղեկացրել էինք, Վայոց Ձորի մարզպետը ներկա է եղել Եղեգնաձորում փոխգնդապետի հետ տեղի ունեցած միջադեպին, փոխգնդապետ Արա Մխիթարյանն էլ շարունակում է կոմայի մեջ մնալ: Կատարվածի մասին ԼՈՒՐԵՐ.com-ի թղթակիցը զրուցել է Վայոց Ձորի մարզպետ Տրդատ Սարգսյանի հետ:
«Լրագրողները անընդհատ մեջբերում են ինչ-որ անանուն աղբյուրների, պնդում, որ ես ծեծկռտուքի մասնակից եմ եղել: Ես պահանջում եմ` ինչ-որ բան հայտարարելուց բացի, թող փաստեր բերեն, ապացուցեն, որ ես եղել եմ միջադեպի վայրում, ես ձեզ վստահաբար ասում եմ՝ դեպքի ժամանակ ես տանն եմ եղել: Դեպքի մասին հետո եմ իմացել»:
Այն հարցին, թե արդյոք միջադեպի մասնակից, փոխգնդապետին հիմնական հարվածներ հասցնող Հարություն Գրիգորյանի հետ ինքն ունի ազգակցական կապ, մարզպետը հերքեց. «Հարություն Գրիգորյանն իմ օգնականն է, նրա հետ ազգակցական կապ չունեմ»:
Հետո, միայն մեր հարցերի արդյունքում հիշեց, որ հորեղբոր թոռի ամուսինն է. «Խնամիական կապեր ունենք, բայց մինչև հորեղբորս թոռի ամուսինը դառնալը՝ Հարություն Գրիգորյանն իմ օգնականն է եղել»:
Միջադեպի մասին այլ մեկնաբանություն տալ չցանկացավ, ասաց, որ, հարուցված քրեական գործով՝ ամեն ինչ պարզ կդառնա. «Կբացահայտվեն բոլոր մեղավորներն ու կպատժվեն. մինչ այդ՝ անհիմն մեղադրանքներ հնչեցնել պետք չէ»:
Հիշեցնենք, որ Եղեգնաձոր քաղաքում սեպտեմբերի 18-ի գիշերը զինվորականների և մարզպետարանի աշխատակիցների մասնակցությամբ տեղի է ունեցել միջադեպ, որի առթիվ հարուցվել է քրեական գործ: Կոչումով փոխգնդապետ զինվորականներից մեկին միջադեպի ընթացքում ծանր մարմնական վնասվածքներ հասցնելու կասկածանքով քիչ առաջ ձերբակալվել է Վայոց ձորի մարզպետի օգնականի պաշտոնը զբաղեցնող Հարություն Գրիգորյանը: Ստուգվում է նաև միջադեպին Վայոց Ձորի մարզպետի հնարավոր մասնակցությունը։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կրկին ակտիվացել են ՆԳՆ անունից զեղծարարության փորձերը
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Միլանը հյուրընկալվել էր Ջենոային
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Վարչապետն ընդունել է Իրանի փոխնախագահի գլխավորած պատվիրակությանը
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)