Թուրքմենստանում արդեն 6-րդ օրն է` տոնում են ալաբայների մասին նախագահ Բերդիմուհամեդովի գրքի հրատարակումը (լուսանկարներ)

Թուրքմենստանում շարունակվում են նախագահ Գուրբանգուլի Բերդիմուհամեդովի հեղինակած «Թուրքմենական ալաբայ» գրքի հրատարակման հետ կապված տոնական միջոցառումները, գրում է hronikatm.com-ը:

Սեպտեմբերի 13-ին երկրի ղեկավարը գիրքը ներկայացրել է կառավարությւան նիստի ժամանակ, որի ընթացքում էլ նախարարներին նվիրել է մեկական օրինակ և կարդացել է որսորդական շանը նվիրված իր բանաստեղծություններից մեկը:

 Սեպտեմբերի 14-ին Թուրքմենստանի պետական մշակութային կենտրոնում նախագահ Բերդիմուհամեդովի գրքի հրատարակմանը նվիրված տոնական միջոցառում է տեղի ունեցել: Միջոցառման շրջանակում տեղի է ունեցել նաև նախագահի բառերի հիման վրա գրված «Թուրքմենական ալաբայ» անվանմամբ երգի պրեմիերան:

 Սեպտեմբերի 16-ին նոր գրքի շնորհանդեսն անցկացվել է նաև Հասարակական կազմակերպությունների կենտրոնի նիստերի դահլիճում: Լրատվամիջոցների տվյալներով` միջոցառմանը մասնակցել են խորհրդարանի անդամներ, նախարարությունների և այլ գերատեսչությունների, հասարակական կազմակերպությունների, քաղաքական կուսակցությունների ներկայացուցիչներ, գիտնականներ, լրագրողներ:

Նույն օրը գիրքը ներկայացվել է նաև երկրի արտաքին գործերի նախարարության Միջազգային հարաբերությունների ինստիտուտում:

 Գրքի հրատարակման հետ կապված միջոցառում է կազմակերպվել նաև մայրաքաղաքի Գյուղատնտեսական համալիրի նիստերի դահլիճում:

Սեպտեմբերի 18-ին հայտարարություն է տարածվել երկրում ալաբայների բուծման կենտրոնի հիմնադրման մասին:

Այս թեմայով Թուրքմենստանի նախագահը կրակել է գնդացիրից Թուրքմենստանի նախագահն արձակուրդի ընթացքում ձկնորսությամբ է զբաղվել և իր որսած ձուկը նվիրել մանկատանը Թուրքմենստանում նախագահը հեռացրել է ՆԳ նախարարին աշխատանքից հետ խորհրդակցության ժամանակ Թուրքմենստանի նախագահը գիրք է հրատարակել ալաբայ շների մասին Թուրքմենստանի նախագահը ցանկություն է հայտնել գնելու իրեն ցուցադրած ռուսական Aurus մեքենան