Փնտրվում է նախագահ կամ ինչով է զբաղված Արմեն Սարգսյանը
ՀՀ նախագահ Արմեն Սարգսյանի երկրից քառասնօրյա խորհրդավոր փաստացի բացակայությանն անդրադարձել էինք դեռ սեպտեմբերի 11-ին: Մեկ շաբաթ հետո կրկին ստիպված անդրադառնում ենք այս ցավոտ խնդրին:
Հայաստանի Հանրապետության նախագահ Արմեն Սարգսյանն իրեն դուրս է դրել այս երկրից, այս երկրում կատարվող իրադարձություններից: Երկար ժամանակ նա բացակայում էր, հետո հայտնվեց, բայց ոչ թե խոսեց Ամուլսարի մասին, ոչ թե անդրադարձավ գործադիր իշխանության կողմից դատարանների վրա գործադրվող ճնշումներին, ոչ թե խոսեց Սահմանադրական դատարանի որոշման, Սահմանադրական դատարանի շուրջ ծավալվող գործողություններին եւ իմքայլականների հակաօրինական քայլերին, այլ Քուվեյթի առաջնորդի կնոջը էքսկուրսիա տարավ Հայաստանի տեսարժան վայրերով:
Հանրությունը սպասում է, թե ինչ է ասելու Արմեն Սարգսյանը վերջին հրաժարականների, երկրում առկա փաստացի ճգնաժամի, Ամուլսարի հանքի շահագործման, դատարանների վրա իրագործվող ճնշումների վերաբերյալ, բայց նա վենչուրային ներդնողների հետ է հանդիպել եւ ֆոտոփառատոնի մասնակցել:
Սա տրագիկոմեդիայի հրաշալի սցենար է, իսկ երկրի համար` իսկական ողբերգություն: Կարծում եմ ժամանակն է, որ հանրային քննարկումներ սկսվեն, եւ մենք խորքային քննարկումներով փորձենք հասկանալ, թե արդյոք մեզ նման լիազորություններով եւ նման պատասխանատվությամբ նախագահ պե՞տք է, թե ոչ: Մենք պետք է քննարկենք, թե մեզ ընդհանրապես նախագահի ինստիտուտ պե՞տք է, թե ոչ:
Եւ վերջին հաշվով, հանրությանը հետաքրքիր է, թե այսքան շատ գործուղումներ նախագահն ում հաշվին է գնում, եւ որքան գումար է ծախսվել պետության բյուջեից այդ ուղեւորություններն իրականացնելու համար:
Նախագահը, նույնիսկ առկա լիազորություններով, պարտավոր էր արտահայտվել, թե Ամուլսարի, թե դատարանների վրա գործադրվող ճնշումների, թե Սահմանադրական դատարանի, թե այլ ավելի կարեւոր հարցերի վերաբերյալ:
Գեղամ Նազարյան
Top-News.am
Սամվել Կարապետյանի հայտարարությունից հետո Փաշինյանն իր մոտ է կանչել Հայկ Կոնջորյանին
«Բարով-խերով գնամ Թուրքիա գամ, հետո իրանց կասեմ` փիղն ինչ թռչուն է»
«Այն, ինչ կատարվում է Սամվել Կարապետյանի ու նրա ընտանիքի նկատմամբ, ամոթալի և անթույլատրելի է». ՀՀ նա...
Իրանը գրոհել է իսրայելական կործանիչների բազաները
Իսրայելն անօդաչու թռչող սարքեր է արձակել Նախիջևանից և Ղարաբաղից. Իրանցի քաղաքագետ
Սամվել Կարապետյանի նկատմամբ քրեական վարույթ է նախաձեռնվել
Սա կարող է ծանր հետևանքներ ունենալ Փաշինյանի համար. Ֆրանց Կլինցևիչ
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
Ինչո՞ւ ՌԴ-ն իր քաղաքացիներին Իրանից տարհանելու համար առաջին իսկ օրերից չօգտագործեց Հայաստանով անցնող...
Պատրաստ ենք հարձակման անցնել Իրանի դեմ. Քրդստանի ազատության կուսակցության առաջնորդ