Գիտնականները գտել են ատամներ աճեցնելու միջոց

Գիտնականները հայտնաբերել են ատամները կրկին աճեցնելու միջոց: Նրանք գտել են կարգավորիչներ, որոնք էվոլյուցիայի ընթացքում դադարեցրել էին իրենց գործառույթը: Գիտնականները համոզված են, որ բացահայտումը կօգնի մարդկանց մոտ աճեցնել ատամների արմատներ, հետագայում հնարավոր է նաև՝ ամբողջական ատամներ:

Հարավային Կալիֆորնիայի համալսարանում պարզել են, որ էպիգենետիկական կարգավորումն ազդում է ատամների աճի վրա: Էպիգենետիկական փոփոխությունները մարդու մարմնում տեղի ունեցող փոփոխություններն են, որոնք կարող են փոխանցվել ժառանգաբար: Դրանք, սակայն, չեն ազդում ԴՆԹ հաջորդականության վրա:

 Հայտնագործությունն արվել է նեանդերթալցիների ատամներն ուսումնասիրելիս: Պարզվել է, որ նրանք ունեցել են ավելի երկար արմատային խոռոչներ, որոնք ժամանակակից մարդկանց արմատախոռոչի համեմատ ավելի ուշ են քայքայվել: Հետազոտողները ենթադրում են, որ պատճառը սպիտակուցների մեջ է, որոնք «միացնում» կամ «անջատում են» մի շարք գեներ:

 Մեծ Բրիտանիայի մոլեկուլային կենսաբանները, հետևելով, թե ինչպես են աճում մկների ատամները, հայտնաբերել են գեների և ազդանշանային մոլեկուլների մի շարք, որոնք կառավարում են այդ գործընթացը: Դրանց ուսումնասիրությունը կօգնի ստեղծել այնպիսի մեթոդներ, որոնք թույլ կտան «բնական» եղանակով վերականգնել ատամները, ասված է Nature Communications ամսագրի հոդվածում:

Ատամների վերականգնան ուղղությամբ աշխատում են նաև Ռուսաստանում: 2019-ի հուլիսին Հեռավոր արևելքի համալսարանի գիտնականները փորձանոթում ցողունային բջիջներից աճեցրել էին ատամներ: Առայժմ դրանք փոխպատվաստել են միայն մկներին:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել