Հայաստանը ենթարկվում է նոր, լավ պատրաստված հարձակման կամ ինչու հիշեցին բռնությունների մասին

Մի հրաշքով քնից արթնացան մի քանի հոգի եւ հիշեցին, թե ինչպես են իրենց բռնաբարել, այն էլ մանուկ հասակում: Չգիտես ինչու հենց նրանց գրառումները նկատեցին նախարարները եւ անմիջապես արձագանքեցին: Այդ գրառումները նկատեց նաեւ Նիկոլ Փաշինյանի դուստրը:

Որքան անընդունելի է ցանկացած բռնություն, այնքան ավելի անընդունելի է բռնության մասին կեղծ հրապարակումները, ինչ-ինչ խնդիրներ լուծելու համար հասարակությանը թյուրիմացության մեջ գցելը:

Արցախում սադրանքի հեղինակ, ադրբեջանցիների հետ ջերմ հարաբերություններ ունեցող Ասյա Խաչատրյանը եւս հիշել է, թե ինչպես են իրեն բռնաբարել, եւ թե ինչպես են հետո դրա համար իրեն ծաղրել ոստիկանությունում:

Համացանցը բռնբարոսւթյունների մասին հրապարակումներով հեղեղել է ոմն մի ֆեյսբուքյան օգտատեր, եւ չգիտես ինչու նրա հրապարակումներին շատ արագ արձագանքում է ՀՀ առողջապահության նախարարը: 

Ուշադրություն դարձրեք. բռնությունների, բռնաբարությունների մասին սկսեցին գրել այնպես, կարծես կենտրոնից հրահանգավորված լինեն: Սա եւս մեկ ապացույց է մտածված, ծրագրված գրոհի մասին, որի նպատակը հասարակությանը հերթական անգամ նոգդաունի կամ նոկաուտի ենթարկելն է, որի ընթացքում էլ կկայացվեն հերթական պետականավնաս որոշումները:

Հայաստանի մասին վատ տեղեկացված մեկը եթե հետեւի որոշ օգտատերերի ֆեյսբուքյան գրառումներին, ապա կկարծի, թե Հայաստանն առնվազն Հարավային Սուդանն է կամ Սոմալին, որտեղ բոլոր կանանց եւ երեխաներին պարտադիր բռնաբարում են, այն էլ մի քանի անգամ:  

Ակնհայտ է, որ Հայաստանը ենթարկվում է լավ մշակված, Ուկրաինայում եւ մի շարք այլ երկրներում արդեն կիրառված գրոհի: Կենտրոնից եկած հրահանգով սկսում են գրել բռնությւոնների մասին, հասարակությանը համոզում են, թե իրականում հենց այդպես էլ կա, մամուլի որոշ միջոցներ հրահանգի շրջանակներում տարածում են բռնության մասին կեղծ եւ հորինովի պատմությունները, իսկ քաղաքական որոշ գործիչներն էլ լուրջ դեմքով հայտնում են իրենց մտահոգությունը:

Խնդիր է դրված Հայաստանում հազարամյակներով հաստատված ընտանեկան հարաբերությունները, կին տղամարդ հարաբերությունները, ընկերական հարաբերությունները խորտակել, ոչնչացնել, հասնել նրան, որ մարդիկ գերվախեցած լինեն, որ փողոցով անցնող փոքրիկ աղջկա գանգուրներին չհամարձակվես դիպչել, որ եղբորդ ծծկեր աղջկան վախենաս գրկես, որ փողոցով քայլող համով տղային չհամարձակվես «պոնչիկ» անել: 

Մեզ ուզում են խաղի նոր կանոններ բարդել: Սկսեցին երեք տարեկաններին սեքսի մասին պատմելու փորձերից, շարունակում են բռնությունների մասին աղեկտուր պատմություններով: Նպատակը զոմբիական հասարակության ստեղծումն է, որի կառավարումն արդեն խաղ ու պար է դառնալու:

Իսկ այդ ճանապարհին որպես առաջին քայլ փորձ է արվելու վավերացնել ամոթալի Ստամբուլյան կոնվենցիան, ըստ որի` փաստացի մեր օրենսդրական դաշտ կներմուծվի երրորդ սեռ: Այնպես որ, մենք արդեն գիտենք, թե ինչ եք ուզում եւ ինու եք սկսել այս գրոհը:

Սկսել եք, որ մանկապարտեզում եւ դպրոցում երեխաներին ասեք՝ որեւէ մեկը չի կարող ասել, թե դուք տղա եք, թե աղջիկ, այդ դուք պետք է որոշեք:

Ավելորդ սակարկումներից, մանիպուլիացիաներից զերծ մնալու համար շեշտեմ, որ Հայաստանում եւս կան բռնության դեպքեր, բայց դրանք շատ քիչ են եւ դրանց դեմ պետք է պայքարել գործող օրենքի շրջանակներում, մանկապարտեզում եւ դպրոցում մարդ դաստիարակելով եւ ոչ թե երրորդ սեռ ավելացնելով:

Մեր հասարակությունն իր բոլոր թերություններով հանդերձ լավն է, բարձր է, բարի է եւ մի փորձեք տպավորություն ստեղծել, թե Հայաստաքնում վայրենիներ են ապրում, որոնք հարձակվում եւ բռնաբարում են կարճ շոր հագած կանանց եւ հատկապես զբոսաշրջիկներին: Մի արեք, կանգ առեք եւ ձեր պարտավորություններից հրաժարվեք: Հայաստանը փորձադաշտ չէ:

Վարդան Մխիթարյան

Top-News.am  

Բաժանորդագրվեք Top-News.am-ին Telegram-ում