Վահե Գրիգորյանի պահվածքը քաղաքական շանտաժի տարրեր է պարունակում
«Ժառանգություն» կուսակցության անդամների համար անհասկանալի էր Սահմանադրական դատարանի նորընտիր դատավոր Վահե Գրիգորյանի պահվածքը։ Այս մասին այսօր՝ հունիսի 28-ին, լրագրողների հետ զրույցում ասաց «Ժառանգություն» կուսակցության նախագահ Անդրանիկ Գրիգորյանը՝ անդրադառնալով հունիսի 20–ին Վահե Գրիգորյանի ԱԺ-ում արած աղմկահարույց հայտարարությանը։
«Եթե նա տեսնում էր սահմանադրական այդ խնդիրները, որն իրականում սահմանադրական ճգնաժամի հիմքեր է պարունակում, ինչո՞ւ ընտրվելուց առաջ չօգտագործեց ԱԺ-ի բարձր ամբիոնը, և այդ մասին չհայտարարեց։ Այլ միայն ընտրությունից հետո, և այստեղ որոշակի նաև քաղաքական շանտաժի տարրեր էին պարունակվում։ Սակայն մենք չենք ասում, որ սրանով Սահմանադրական դատարանում և իշխանությունում չկան խնդիրներ, այնտեղ խնդիրներ կան, և այդ խնդիրները օրեցօր ջրի երես են դուրս գալիս։ Դա վերաբերում էր թե «Մարտի 1-ի» քաղաքական դատավարություններին, թե՛ ընդդիմադիր շատ քաղաքական գործիչների համար կարված քրեական գործերի։ Այս համակարգն օր առաջ պետք է փոխվի, բայց միայն պետք է փոխվի իրավական, սահմանադրական ճանապարհով»,- ասաց կուսակցության նախագահը։
Նա ընդգծեց, որ Հայաստանում այս պահին սահմանադրական ճգնաժամ չկա, բայց փոխհրաձգության խորանալու դեպքում գուցե այդ ճգնաժամն ակներև դառնա։
Կուսակցության նախագահի խոսքը շարունակելով՝ «Ժառանգություն» կուսակցության փոխնախագահ Նարինե Դիլբարյանը հարցադրում արեց, թե ինչու Վահե Գրիգորյանը չէր անդրադառնում ՍԴ-ում առկա խնդիրներին և միայն ընտրվելուց հետո բարձրաձայնեց. «Եթե կա խնդիր, ապա դա պետք է բարձրաձայնել ոչ թե քո ընտրվելուց հետո, շանտաժի տարրեր պարունակող ոճով, որ ես գնում եմ իբրև նախագահ, այլ բարձրաձայնել, քննարկել իրավաբանների հետ, և տալ հանգուցալուծումներ։ Խնդիրը պետք է բարձրաձայնվի անկախ քո ընտրության արդյունքից, եթե, իհարկե, քո նպատակը խնդիրը հանգուցալուծելն է։ «Ժառանգություն»-ը տեսնում է, որ համագործակցային մթնոլորտը բացառվում է, և արհեստականորեն բոլոր տեսակի հարցերը տեղափոխվում են նախկինների և ներկաների բանավեճի հարթակ»։
Հիշեցնենք, որ Վահե Գրիգորյանը հունիսի 20–ին Ազգային ժողովում հայտարարեց, որ Սահմանադրական դատարան մուտք գործելիս, որպես Սահմանադրական դատարանում միակ դատավոր, որովհետեւ մյուս դատավորն այս օրերին բացակայում է, ստանձնելու է Սահմանադրական դատարանի նախագահի լիազորությունների եւ պարտականությունների կատարումը։ Ավելի ուշ ԱԺ «Իմ քայլը» խմբակցության պատգամավոր Նիկոլայ Բաղդասարյանը հայտարարեց, որ Հրայր Թովմասյանը այլեւս Սահմանադրական դատարանի դատավոր չէ եւ չի էլ եղել այդպիսին: Ըստ պատգամավորի՝ ոստիկանությունը չպետք է թույլ տա ոչ դատավորին մուտք գործել ՍԴ–ի վարչական տարածք։


















































Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Վարչապետն ընդունել է Իրանի փոխնախագահի գլխավորած պատվիրակությանը
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Իսրայելի նոր կառավարությունը կձևավորի ընդդիմադիր «Յաշար» կուսակցության առաջնորդ Գադի Այզենկոտը
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Ծաղկունքում կասեցվել է հացաբուլկեղենի արտադրամասի գործունեությունը