4 հնդիկներ փորձել հատել հայ-թուրքական սահմանը
ՀՀ գլխավոր դատախազությունը Արմավիրի մարզի ընդհանուր իրավասության դատարան է ուղարկել հայ-թուրքական սահմանն ապօրինի հատելու փորձի մեջ մեղադրվող Հնդկաստանի չորս քաղաքացիների վերաբերյալ գործը։ Դատական տեղեկատվական համակարգը տեղեկացնում է, որ չորս մեղադրյալների նկատմամբ էլ, որպես խափանման միջոց է ընտրվել կալանավորումը։
Ըստ մեղադրանքի՝ Հնդկաստանի Հանրապետության քաղաքացիներ Մանպրիտ Սինգհին, Ռանդիռ Սինգհ Սանդուի, Նարինդեռ Սինգհի և Ջուգրաջ Սինգհի հետ միասին, նախնական պայմանավորվածության համաձայն, խմբի կազմում 2018թ. նոյեմբերի 7-ին, ժամը 20-ի սահմաններում Արմավիրի մարզի Փշատավան գյուղի վարչական տարածքում տեղակայված, ՀՀ-ում ՌԴ անվտանգության դաշնային ծառայության սահմանապահ վարչության «Ջանֆիդա» սահմանապահ ուղեկալի տեղամասերի հատվածում, հաղթահարելով ինժեներատեխնիկական կառույցները, առանց սահմանված փաստաթղթերի և պատշաճ թույլտվության, փորձել են ապօրինի հատել ՀՀ պահպանվող պետական սահմանը և անցնել Թուրքիայի Հանրապետության տարածք։ Սակայն իրենց կամքից անկախ հանգամանքներով հանցագործությունն ավարտին չի հասցվել, քանի որ սահմանային էլեկտրաազդանանշանային համալիրի գործարկվելուց հետո հանցակիցները բռնվել են սահմանապահ ուղեկալի զինծառայողների կողմից:
Չորս քաղաքացիներին մեղադրանք է առաջադրվել ՀՀ քրեական օրենսգրքի 34-329-րդ հոդվածի 2-րդ մասով՝ մի խումբ անձանց կողմից նախնական համաձայնությամբ պետական սահմանն ապօրինի հատելը։
Նախաքննության տվյալների համաձայն՝ Հնդկաստանի քաղաքացիները Հայաստան էին եկել, որպեսզի հետագայում Թուրքիայի տարածքով անօրինական ճանապարհով հասնեն ԵՄ անդամ երկրներ:
Գործը մակագրվել է Արմավիրի մարզի դատարանի դատավոր Արմեն Հովհաննիսյանին։


















































Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Վարչապետն ընդունել է Իրանի փոխնախագահի գլխավորած պատվիրակությանը
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Իսրայելի նոր կառավարությունը կձևավորի ընդդիմադիր «Յաշար» կուսակցության առաջնորդ Գադի Այզենկոտը
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Ծաղկունքում կասեցվել է հացաբուլկեղենի արտադրամասի գործունեությունը