Վովա, քեզ որտեղի՞ց այդ ագրեսիան
Ռուբեն Մելիքյանի գրառումը վերաբերում էր Վենետիկի հանձնաժողովի նախագահի հայտարարությանը եւ այդ առիթով վարչապետի խոսնակի մեկնաբանություններին։
Ռուբեն Մելիքյանը գրառումն արել է խիստ կոռեկտ, գրագետ եւ այս հարցում նույիսկ էական չէ, թե ով է ճիշտը։ ժամեր անց պատասխանում է վարչապետի խոսնակը՝ Վլադիմիր Կարապեյանը։ Առաջին տպավորությունն այն է, որ այդ պատասխան տեքստի հեղինակը նա չէ:
Վլադիմիր Կարապետյանը երկար տարիներ պետական համակարգում աշխատանքի փորձ ունեցող, եւ որ ամենակարեւորն է, բարեկիրթ անձնավորություն է եւ երբեք իրեն նման ագրեսիվ եւ կոպիտ պահվածք թույլ չի տվել:
Իհարկե, շատ լավ է, որ վարչապետի խոսնակն արձագանքում է հայտնի իրավաբանի, իրավապաշտպանի հայտարարությանը, բայց վատ է եւ մտահոգիչ, որ այդ տոնով եւ շեշտադրումներով. «Էլ վայ պաշտպան էլ թալանչիական ռեժիմ, էլ խունտայի էլ չգիտեմ ինչ»։
Իրոք, չեմ հասկանում, այդ ի՞նչ հրեշավոր ագրեսիա է կառավարության սենյակներում ու միջանցնքներում։ Ինչո՞ւ է այդպես։ Այդ ագրեսիան ցանկացած մարդուց այլ մարդ է սարքում։ Նույն Վլադիմիր Կարապետյանը շատ երկար տարիներ հանգիստ աշխատել է խունտայի օրոք եւ լավ կարիերա արել՝ առանց ծանոթ, բարեկամի ու հովանավորչության։
Մենք էլ հարգուն էինք նրա դիրքորոշումը 2008-ին, բայց այսօրվա ագրեսիան ոչ հարգանքի է արժանի, ոչ կարեկցանկի։ Կառավարության շենքի անհիմն ագրեսիան խժռում է բոլորին։
Ի՞նչ է ստացվում, եթե համաձայն չեք Ռուբեն Մելիքյանի կամ այլոց կարծիքի եւ տեսակետի հետ, ապա նրանց պարտադիր պետք է վիրավորե՞ք, որից հետո հայհոյելու եւ անիծելու էստաֆետը փոխանցեք ֆեյքերի ձեր բանակի՞ն: Նույնը արվում է իմ հանդեպ, իմ գործընկերների, ինձ անծանոթ բայց ձեզ առարկող եւ ձեր ամեն բառը չողջունող հազարների հանդեպ։
Եւ վերջում կրկին անդրադառնալով Վենետիկի հանձնաժողովի նամակին, շեշտեմ, որ իսկապես, հանձնաժողովը վեթինգին աջակցելու մասին ոչինչ չի ասում, եւ դա պատճառ չէ Ռուբեն Մելիքյանին «մարդու իրավունքների վայ պաշտպան» անվանելու համար:
Մելիքյանը եղել է մարդու իրավունքների շատ լավ պաշտպան, այնպես ինչպես Վլադիմիր Կարապետյանը Ռոբերտ Քոչարյանի պաշտոնավարման տարիներին եղել է ՀՀ ԱԳ նախարար Վարդան Օսկանյանի մամուլի շատ լավ եւ բարեխիղճ խոսնակ:
Գեղամ Նազարյան
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Հանրությանը մոլորեցնելու նպատակ ունեցող ապատեղեկատվություն
Եվրահանձնաժողովն իր աջակցությունն է հայտնել Լեհաստանի վարչապետին
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ