Երբ ագրեսիվ փոքրամասնությունը ձգտում է իշխանության
Արմավիրի մարզի Զարթոնք գյուղում տեղի ունեցած իրադարձություններին հանրությունը հուզական արձագանքեց, չփորձելով խորամուխ լինել ողբերգությունը ծնող պատճառների մեջ: Իսկ խնդիրը շատ լուրջ է եւ միտում ունի տարածում գտնել երկրով մեկ:
Զարթոնքում կրակեցին, բայց կարող էին կրակել Ազատամուտում, Արշալույսում, Եղեգիսում, այլ գյուղերում, որտեղ անցած տարվա ապրիլ-մայիսյան իրադարձություններից հետո ագրեսիվ փոքրամասնությունը փորձում է տիրանալ իշխանությանը՝ չսպասելով հերթական ընտրություններին:
Չեն սպասում, քանի որ հասկանում են, որ իրենց ժամանակը, իրենց վերելքի ժամանակը երկար չի կարող շարունակվել: Նրանք շտապում են եւ իրենց որոշ ազգականների, հարեւանների, մի քանի երեխաների համոզում են օրեր շարունակ կանգնել գյուղապետի տան առջեւ: Կանգնում են, ցուցապաստառներ պարզում, վիրավորում, հունից հանում: Որոշ գյուղապետեր տեղի են տալիս՝ հրաժարական տալիս, ոմանք ավելի պինդ են եւ դիմադրում են, ոմանց հարազատներն էլ կուլ չտալով վիրավորանքները գնում են ամենաանընդունելի քայլին՝ կրակում են:
Ջինը բաց է թողնված շշից եւ եթե ոչինչ չարվի, ապա ագրեսիվ փոքրամասնությունը գյուղապետի պաշտոնի համար պայքարելու է յուրաքանչյուր գյուղում: Իսկ գյուղապետերը, որքան էլ տարօրինակ հնչի, ընտրվել են հիմնականում առանց կեղծիքների: Նախկին իշխանությունները որպես թեկնածու ընտրել են գյուղում ամենամեծ, ամենահարգված, ամենահեղինակավոր, ամենահարուստ ազգատոհմի ներկայացուցչին:
Հիմա փորձ է արվում ջարդել այս համակարգը, ինչը ոչ մի լավ բանի չի կարող բերել: Սպասեք ընտրություններին, առաջադրեք ձեր թեկնածությունը եւ նոր իրավիճակում փորձեք զբաղեցնել գյուղապետի պաշտոնը, բայց մի արեք քայլեր, որոնք կարող են կրքեր բորբոքել, որոնք կարող են արյունահեղություն առաջացնել: Չի կարելի գնալ գյուղապետի տան ճանապարհը փակել եւ վիրավորական արտահայտություններ վանկարկել, ինչ է, թե ուզում եք գյուղապետ դառնալ:
Գեղամ Նազարյան
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Հանրությանը մոլորեցնելու նպատակ ունեցող ապատեղեկատվություն
Եվրահանձնաժողովն իր աջակցությունն է հայտնել Լեհաստանի վարչապետին
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ