Bentley-ն թողարկել է հեղուկ ոսկով զարդարված կահույքի հավաքածու

Կահույքի միլանյան սրահում Bentley ընկերությունը ներկայացրել է ինտերիերի երեք առարկաներից բաղկացած հավաքածուն՝ մեծ սեղան, լաունջ բազկաթոռներ եւ ոտքերի համար հենարան աթոռակ: Դրանցից յուրաքանչյուրը կթողարկվի 100 հատ քանակությամբ եւ կստանա Bentley Centenary-ի փորագրված լոգոտիպը՝ մակնիշի հոբեյլանի կապակցությամբ, հաղորդում է Մոտոր-ը:

Home անունով հավաքածուն խորհրդանշում է բրիտանական արտադրողի արժեքները, որոնք արտահայտվում են դիզայնի, նյութերի ընտրության եւ դետալների նկատմամբ ուշադրության մեջ: Յուրաքանչյուր իրը պատրաստվում է ձեռքով: Գլխավոր մասերը պատրաստված են կաղնու փայտից եւ զարդարված են հեղուկ ոսկով:

Միլանում ժամանակակից կահույքի մասին իր տեսակետն է արտահայտել նաեւ Bugatti-ն: Հիպերքարերի ֆրանսիական արտադրողը ներկայացրել է Bugatti Home Cobra Chair բազկաթոռը, որը ոգեշնչված է 1902 թվականին Էթորե Բուգատտիի հոր կողմից ստեղծված դիզայնով, ցուցադրվել են նաեւ ինտերիերի եւս մի քանի առարկաներ: Դրանցում օգտագործված է կաշի, սոդալիտ թանկարժեք քար, մարմար եւ փափուկ, սակայն գերամուր տեխնիկական գործվածքներ:

2017 թվականին BMW-ն ներկայացրել էր i8 հիբրիդի եւ i3 էլեկտրական հեչբեքի հատուկ տարբերակները, որոնք ստեղծվել էին Garage Italia Customs-ի հետ համագործակցությամբ: Դրանք նվիրվել էին Memphis Group աշխատանքներին, որոնք մասնագիտանում են արտառոց կահույքի եւ ինտերիերի այլ առարկաների մշակման բնագավառում: