Ընդամենը 20 գրամ շոկոլադը կայունացնում է բարձր զարկերակային ճնշումը

Ոչ մեծ քանակությամբ դառը շոկոլադի ամենօրյա օգտագործումը կարող է կայունացնել բարձր զարկերակային ճնշումը։

Կոիմբրայի Պոլիտեխնիկական ինստիտուտի մասնագետների հետազոտության համաձայն՝ մեկ ամսվա ընթացքում օրական շոկոլադի ընդամենը 20 գրամ ուտելը կարող է իջեցնել ճնշումը։ Ելնելով անցկացված փորձերից՝ առավել նշանակալի արդյունք ձեռք է բերվում 90 տոկոսանոց դառը շոկոլադ օգտագործելիս։ Դրա արդյունավետության գաղտնիքը հզոր հակաօքսիդանտների՝ ֆլավոնոլների մեջ է։

Հետազոտությանը մասնակցել է 18-27 տարեկան 30 առողջ կամավոր։ Նրանցից յուրաքանչյուրն ամեն օր ուտում էր 20 գրամ շոկոլադ մեկ ամիս շարունակ։ Ընդ որում՝ փորձի մասնակիցների կեսն ուտում էր կակաոյի 55 տոկոս պարունակությամբ շոկոլադ, մյուս կեսը՝ 90 տոկոս։ Գիտնականները վերլուծել են կամավորների սրտի զարկերի հաճախականությունը, անոթների ճկունությունը եւ զարկերակը մինչեւ փորձը եւ դրա ավարտից երկու օր հետո։

Պարզվել է, որ զարկերակային ճնշման ցուցանիշները զգալիորեն բարելավվել են փորձի բոլոր մասնակիցների մոտ։ Սակայն նրանց մոտ, ովքեր կակաոյի ամենաբարձր պարունակությամբ շոկոլադ են կերել, սիստոլիկ ճնշումն իջել է սնդիկի սյան 3,5 միլիմետրով, այն դեպքում, երբ մյուս խմբի մասնակիցների մոտ՝ 2,4 միլիմետրով։ Դիաստոլիկ ճնշումն իջել է 2,3 եւ 1,7 միլիմետրով համապատասխանաբար։

Բացի այդ, 90 տոկոսանոց շոկոլադ ուտող կամավորների մոտ սրտի զարկերի հաճախականության եւ ստամոքս-զարկերակային փոխգործակցության ավելի առողջ ցուցանիշներ են գրանցվել։

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել