Միայն սուրճի տեսքը կարող է արթնացնել մարդուն

Միլիոնավոր մարդիկ չեն պատկերացնում իրենց առավոտն առանց մեկ բաժակ սուրճի, գրում է The Daily Mail-ը: Տորոնտոյի համալսարանի վերջին հետազոտությունները վկայում են այն բանի մասին, որ պարտադիր չէ սուրճ խմել, որպեսզի զգաք թարմացնող էֆեկտ:

Նշվում է, որ մարդուն անհրաժեշտ է տեսնել մի բան, ինչը նրա մոտ սուրճի ասոցիացիա կառաջացնի: Այդ դեպքում ուղեղի այն հատվածները, որոնք պատասխանատու են ակտիվության և ուշադրության համար, միանգամից կակտիվանան:

Այս ամենը ապացուցել է այն գիտափորձը, որին մասնակցել են արևմտյան և արևելյան մշակույթի ներկայացուցիչներ ( ԱՄՆ, Կանադա, Եվրոպա, Չինաստան, Ճապոնիա, Կորեա) :

Կամավորները կատարել են տարբեր առաջադրանքներ: Օրինակ՝ առաջարկվել է ստեղծել մարքեթինգային ռազմավարություն թեյի կամ սուրճի համար, այդ ժամանակ գնահատվում էր կամավորների ակտիվության աստիճանը:

Պարզվել է՝ այն մարդիկ, ովքեր աշխատում էին սուրճի նկարի հետ, ռազմավարություն ստեղծելիս մատծում էին ավելի հստակ: Նրանց անգամ թվում էր, որ ժամանակը ավելի արագ է անցնում՝ ի տարբերություն թեյի հետ աշխատող կամավորների:

Ընդ որում` ասոցիացիաները, որոնք կապված էին սուրճի հետ, ավելի ուժեղ էին արևմտյան մշակույթի ներկայացուցիչների շրջանում: Գիտնականներն այս երևույթը բացատրում են նրանով, որ սուրճ խմող աշխատող մարդու կերպարը խորը նստած է մարդկանց գիտակցության մեջ:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել