Հիմարություններ ըստ Արայիկ Հարությունյանի
ԿԳ նախարար Արայիկ Հարությունյանը հիմա էլ սեւեռվել է «Հասարակագիտություն» առարկայի վրա: Ֆեյսբուքում նա հետեւյալ գրառումն է արել. «կամ էս առարկան պետք ա հանվի, կամ էլ ուշադրություն դարձվի, որ էս կարգի հիմարություններ դասագրքերում տեղ չգտնեն: -(»:
Իսկ ինչ «հիմարություն» է գրված դասագրքում ըստ Արայիկ Հարությունյանի: Ամուսնական հարաբերությունների, կին-տղամարդ հարաբերությունների բաժնում գրված է, թե ինչ է ակնկալում տղամարդը կնոջից եւ կինը՝ տղամարդուց:
Նախարարը հիմարություն է համարում այն պնդումը, որ տղամարդը ցանկանում է տանը կնոջից սեռական բավարարվածություն ստանալ: Նա հիմարություն է համարում այն պնդումը, որ տղամարդն ուզում է, որ իր կինը լինի իր հանգստի ուղեկիցը, որ նա լինի հմայիչ, կարողանա տնտեսություն վարել եւ հիացմունք առաջացնի:
Սրանք Արայիկ Հարությունյանի կարծիքով հիմարություններ են:
Նրա համոզմամբ հիմարություն է նաեւ այն, որ կինը ցանկանում է, որ ամուսինն իր հետ քնքուշ լինի, բացի այդ զրուցակից լինի, ազնիվ եւ անկեղծ լինի, ֆինանսապես ապահովի ընտանիքին եւ լինի նվիրված:
Որոշ, այսպես կոչված, ակտիվիստներ ձայնակցում են նախարարին եւ փորձում այնպիսի տպավորություն ստեղծել, թե դասագրքում իրոք հիմարություն է գրված: Նրանցից մեկն էլ գրել է, թե իր երեխաները դպրոցում, դասարանում մենակ են մնացել բողոքելով այս ձեւակերպումների դեմ:
Իհարկե, գուցե ձեւակերպումները կարելի էր ավելի լավ անել կամ ավելի պարզ կամ ավելի ընդգրկուն, բայց ասել, թե դրանք հիմարություն են, առնվազն անհասկանալի է:
Ինչ է ստացվում, որ Արայիկ Հարությունյանը, որը ամուսնացած չէ, ուզում է իր տեսլականն ամուսնական կյանքի վերաբերյալ պարտադրել մի ամբողջ երկրի, ժողովրդի: Եւ որքան հասկանում եք նա համոզված է, որ ամուսինները միմյանցից սեռական բավարարվածություն չպետք է ստանան, եւ որ կինը չպետք է կարողանա տնտեսություն վարել կամ ամուսինը պարտավոր չէ ֆինանսապես ապահովել կնոջը եւ երեխաներին կամ ամուսինը չպետք է նվիրված լինի ընտանիքին:
Քահանային դպրոցից դուրս հրավիրելը մարսելուց հետո Արայիկ Հարությունյանն իր փոքրաթիվ, բայց աղմկոտ համակիրներով հիմա էլ հարձակվել է ընտանեկան արժեքների վրա: Իսկ այս մարդուն վստահված է մեր գիտությունն ու կրթությունը:
Հետաքրքիր է նաեւ մի հարց, արդյոք դասագրքի հեղինակները դատական հայց կներկայացնեն իրենց աշխատանքը հիմարություն համարող նախարարին, թե՝ ոչ:
Աննա Բաղդասարյան
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանական պատվիրակությունը Դոհայում բանակցություններ է վարել Կատարի միջնորդների հետ