Ժնեւ Aurus 600 եւ զրահապատ լիմուզին են բերել

Ժնեւի մոտորշոուում կայացել է Aurus Senat S600 եվրոպական սեդանի եւ դրա երկարաբազային զրահապատ L700 մոդելի շնորհանդեսը՝ հայտնում է «Մոտորը»։

S600 սեդանի եւ L700 լիմուզինի երկարությունը 5630 եւ 6630 մմ է, իսկ դրանց անվային բազան հավասար է 3300 եւ 4300 մմ-ի՝ համապատասխանաբար։ Համեմատության համար՝ «Մայբախի» եւ Rolls-Royce Phantom-ի երկարությունը հասնում է 5462 եւ 5982 մմ-ի։ «Սենատի» զրահապատ մոդելի զանգվածը 6,9 տոննա է։

Երկու ավտոմեքենաներն էլ հագեցած են հիբրիդային ուժային սարքով, որը ստեղծվել է 4,4 լիտրանոց «8»-ի, 40 ուժային էլեկտրաշարժիչի եւ ինը դիապազոնանոց «ավտոմատի» բազայի վրա։ Առավելագույն արագությունը կազմում է ժամում 250 կմ։