Մի ձերբակալման պատմություն

Հերոսը, Շուշին ազատագրող Սամվել Բաբայանը այսօր պետք է առոք-փառոք ապրեր իր հայրենիքում, ստիպված չլիներ խառնվել քաղաքական գործընթացներին, հյուրընկալվեր դպրոցականներին, ուսանողներին, նրանց ապրելու դասեր տար, պատմեր, թե ինչպես հազար տարվա ընդմիջումից հետո քաղաք, այն էլ ինչպիսի քաղաք, ազատագրեցինք:

Ցավոք, նա ոչ միայն առոք-փառոք չի ապրում, այլ ձերբակալվել է: Ամենայն հավանականությամբ, մի շինծու մեղադրանք կներկայացվի: Հերոսը հայրենիքում ձերբակալվել է: Իսկ քաղաքական ուժերը լռում են: Լռում են մեծ-մեծ խոսացողները, լռում են մեծ-մեծ խոստումներ տվողները: Նրանց դեռ կանդրադառնանք:

Հիմա խոսենք ձերբակալման զվարճալի պատմությունից: Այն ձերբակալության, որի ընթացքում հետաքրքրիր բացահայտումներ եղան: Եւ այսպես.

X լրատվամիջոցը գրում է, թե այս ինչպես ԱԱԾ-ն ուշադրություն չի դարձնում Սամվել Բաբայանին, ախր նա, կարծես թե, խժդժություններ է նախապատրաստում:

ԱԱԾ-ն շատ արագ արձագանքում է այս հրապարակմանը եւ թատերական ներկայացմամբ ձերբակալում հերոսին:

Քիչ անց Y օրաթերթը հրապարակում է ԱԱԾ-ի հաղորդագրությունը, թե երկու հոգի Վրաստանից Հայաստան մաքսանենգ ճանապարհով փորձել են «Իգլա» ներմուծել:

Z օրաթերթն էլ քիչ անց գրում է, թե իր տեղեկություններով ձերբակալվել է Սամվել Բաբայանը (հետաքրքիր է ինչպես իմացան, երբ դեռ ԱԱԾ-ն հայտարարություն չէր տարածել), եւ որ նրան մեղադրում են «Իգլա» ներմուծելու մեջ:

Այնուհետեւ S լրատվամիջոցն էլ գրում է, թե իրենց թղթակիցը շատ պատահաբար ներկա է եղել ձերբակալմանը: Ինչ բարեբախտություն: Ինչ երջանիկ պատահականությամբ է թղթակիցը ականատես եղել ձերբակալմանը:

Ահա այսպիսի տխուր պատմություն: Ունենք ԱԱԾ, որը շարժվում է ինչ որ լրատվամիջոցի հրահանգներով: Ունենք մամուլ, որը ԱԱԾ-ից շատ հեշտությամբ տեղեկություններ է կորզում: Եւ ունենք բախտ ունեցող լրագրողներ, որոնք հայտնվում են ձերբակալման տեղում, հենց ձերբակալման պահին:

Խայտառակություն եւ ուրիշ ոչինչ:

Վարդան Մխիթարյան 

Այս թեմայով Սամվել Բաբայանը արցախցիների մեջ ներքին խժդժությունների պլան է ծրագրել Սամվել Բաբայանը նոր ժամանակավոր անցումային իշխանություն կձեւավորի Սամվել Բաբայանի կուսակցությունը մասնակցել է հայտարարության տեքստի մշակման աշխատանքներին, ապա՝ հրաժարվել ստորագրությունից Սամվել Բաբայանի թեման «փակված» է. Արցախում լուրջ պայքար կընթանա 2 թեկնածուների միջեւ Ես վստահ եմ՝ Ռոբերտ Քոչարյանը կրակելու հրահանգ չի տվել․ Սամվել Բաբայան