Արարատ Միրզոյանի կոպիտ սխալը
Արդեն մի քանի օր է Ադրբեջանն ամենաբարձր՝ նախագահի եւ արտգործնախարարի մակարդակով անդրադառնում է Արցախի հիմնախնդրին: Հնչում են խնդրի կարգավորման իրենց մոտեցումները, տրվում են գնահատականներ: Շեշտվում է, որ Արցախն առավելագույնը կարող է ստանալ բարձր ինքնավարություն: Ադրբեջանական մամուլն ուշադրության կենտրոնում է պահում խնդիրը, վերլուծելով իրենց ղեկավարների հայտարարությունները, հրապարակվում են հարցազրույցներ:
Թուրքիան եւս ձեռքերը ծալած չի նստում: Թուրքիայի ԱԳ նախարարն ասում է, որ եթե Հայաստանը ցանկանում է բարելավել հարաբերությունները Թուրքիայի հետ, ապա դրանից առաջ պետք է լուծվի «Ղարաբաղի եւ բռնազավթված տարածքների հարցը»:
Օրեր շարունակ Հայաստանը ոչ մի կերպ չէր արձագանքում Ալիեւի եւ Մամեդյարովի հայտարարություններին: Համարժեք պատասխան հնչեց միայն Արցախի նախագահի մամուլի խոսնակ Դավիթ Բաբայանի շուրթերից, բայց հանրությունը սպասում էր ՀՀ բարձրագույն իշխանության արձագանքին:
Պատասխանը հնչեց Արարատ Միրզոյանից, որն օրեր անց զբաղեցնելու է Հայաստանի ԱԺ նախագահի պաշտոնը: Անկեղծ լինենք, լավ կլիներ, որ այդ պատասխանն ընդհանրապես չլիներ:
Արարատ Միրզոյանը պատասխանելով Մամեդյարովին, որն Արցախին բարձր ինքնավարություն է առաջարկում, ընդամենն ասել է, թե Մամեդյարովին խորհուրդ է տալիս առաջարկը ներկայացնել նաեւ Արցախի ժողովրդին։
Իսկ եթե Բաքուն այդ առաջարկը ներկայացնի այնպես, ինչպես ժամանակին վարվեց Ադոլֆ Հիտլերն ավստրիացիների հետ: Ի վերջ Ավստրիան հանրաքվեով միավորվեց Գերմանիային: Փողոցում կանգնած տանկերը հզոր փաստարկ էին հօգուտ Գերմանիայի հետ միավորման:
Մենք բարձր մակարդակով դեռ չենք արձագանքել Թուրքիայի ԱԳ նախարար Մեւլութ Չավուշօղլին: Իսկ պետք է արագ արձագանքել եւ ընդամենը շեշտել, որ անթույլատրելի եւ անչափ վտանգավոր է հայ-թուրքական հարաբերությունների հարցը կապել Արցախի խնդրի կարգավորման հետ, եւ ընդգծել, որ Հայաստանը երբեք հայ-թուրքական հարաբերությունների կարգավորումը չի կապել Հյուսիսային Կիպրոսի հիմնախնդրի լուծման հետ:
Բացի այդ մեկ անգամ եւս հստակ պետք է հայտարարել, որ Թուրքիան պետք է հնարավորին չափ հեռու մնա Արցախի խնդրի կարգավորումից եւ դադարեցնի մեզ հետ խոսել նախապայմանների լեզվով:
Այս ամենը պետք է ասել, բայց շատ տարօրինակ է, թե ինչու է լռում Հայաստան ԱԳ նախարարը:
Գեղամ Նազարյան
Top-News.am
ՀՀ իշխանությունն էլ է փչացնում Ռուսաստանի հետ հարաբերությունները
Սամվել Կարապետյանի ընտանիքը ներդրումային վեճ սկսելու մասին պաշտոնական ծանուցում է ուղարկել ՀՀ պետակա...
Ավտոմեքենան գլորվելով հայտնվել է դաշտամիջյան հատվածում․ կան զոհեր
Վտանգավոր աղմուկ-աղաղակ՝ նեղ քաղաքական շահերի սպասարկման ճանապարհին
Ռիհաննան կիսամերկ լուսանկարներով ներկայացել է իր բրենդի համար
Պարեկները հայտնաբերել են երեխան գրկին երթեւեկող վարորդին
Միքայել Աջապահյանի օրագիրն ենք գտել, որում գրված է Բագրատ Գալստանյանի շարժման, հանդիպումների մասին. ...
Ես ոչ մի պաշտոն չեմ ուզում. Լևոն Քոչարյան
«Զվարթնոց» օդանավակայանում ԱԱԾ սահմանապահները չեն թողել որպեսզի Արմեն Չարչյանը սահմանը հատի․ փաստաբա...
Սերժ Սարգսյանի գաղտնի աջակցությունը Նիկոլ Փաշինյանին