Բունկեր անիվների վրա՞, թե՝ գազան. Արգենտինայի ԶԼՄ-ները համեմատել են Պուտինի և Թրամփի լիմուզինները

Արգենտինայի ԶԼՄ-ները քննարկում են Ռուսաստանի և Միացյալ Նահանգների նախագահների լիմուզինները, որոնք իրենց տերերի հետ ժամանել են Բուենոս Այրես՝ մասնակցելու G20 գագաթնաժողովին:

Aurus ավտոմեքենան, որով տեղաշարժվում է Վլադիմիր Պուտինը, TN հեռուստաալիքը անվանել է իսկական բունկեր՝ անիվների վրա: Լրագրողները նշել են, որ այն կարող է դիմակայել մեծ տրամաչափի փամփուշտների և նույնիսկ պայթուցիկների ազդեցությանը, իսկ մեքենայի կառուցվածքը գաղտնի է:

Clarin տեղական պարբերականի տվյալներով Դոնալդ Թրամփի «Գազան» մականունով Cadillac One-ը 7 տոննա քաշ ունի և քիմիական ու կենսաբանական հարձակումներին դիմակայելու հնարավորություն: