Դավիթ Սանասարյանը ճնշում է գործադրում Ազատամուտի համայնքապետի դեմ
Ազատամուտի համայնքապետին ՀՀ պետական վերահսկողության ծառայության պետ Դավիթ Սանասարյանը հորդորել է հրաժարական տալ։ Այս մասին ասել է հենց համայնքի ղեկավար Ժորա Մարտիրոսյանը:
Ազատամուտի գյուղապետի հայտարարությունը ոչ այլ ինչ է, եթե ոչ հաղորդում հանցագործության մասին: Տրամաբանական հարց է առաջանում, թե ինչ իրավունք ունի ՀՀ պետական վերահսկողության ծառայության պետի պաշտոնը զբաղեցնողը համայնքի ղեկավարին առաջարկի, հորդորի, կոչ անի, ուղղորդի հրաժարական տալ:
Ի դեպ, Ժորա Մարտիրոսյանը նաեւ ասել է, թե Սանասարյանն ասել է, որ եթե հրաժարական չտա, ապա համայնքապետարանում ստուգումներ կսկսվեն եւ թերացումներ կհայտնաբերվեն:
Դավիթ Սանասարյանից բացի, ըստ համայնքապետի, իրեն խորհուրդ են տվել հրաժարական տալ ՀՀ պետական վերահսկողության ծառայության եւս երեք աշխատակից:
Ի՞նչ իրավունք ունեն Դավիթ Սանասարյանի ղեկավարած հիմնարկի աշխատակիցները նման խորհուրդներ տալ, ակնարկելով, որ հակառակ դեպքում լուրջ խնդիրներ են առաջանալու:
Ի դեպ, արդեն իսկ Ազատամուտի համայնքապետի դեմ երկու մեղադրանք է ներկայացվել:
Ազատամուտի գյուղապետի հայտարարությանն իրավապահները պետք է անհապաղ արձագանքեն, հակառակ դեպքում այս օրինակը շատ հանգիստ կարող է տարածում գտնել երկրով մեկ: Փաստորեն Հայաստանում սկսում է ռեպրեսիվ մեքենա աշխատել իր բոլոր սարսափելի հետեւանքներով: Սա շատ լուրջ խնդիր է, որին չի կարելի մատների արանքով վերաբերվել: Եթե մենք հիմա չնկատելու տանք այս խնդիրը, ապա հետո դիմակայելը, վերացնելն անչափ դժվար է լինելու:
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Հանրությանը մոլորեցնելու նպատակ ունեցող ապատեղեկատվություն
Եվրահանձնաժողովն իր աջակցությունն է հայտնել Լեհաստանի վարչապետին
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)