Շնորհակալություն Ջիբրալթարի հավաքականին

Եթե Ջիբրալթարի հավաքականը ֆուտբոլի Հայաստանի հավաքականին Երեւանում չհաղթեր, ապա մենք Մակեդոնիային 4:0 հաշվով հաղթողը չէինք:

Իսկ եթե ավելի լուրջ, ապա մենք հասկացանք, որ կադրերը եթե ամեն ինչ չեն որոշում, ապա գոնե շատ բան են որոշում: Պաշտպանությունում չկար Հրայր Մկոյանը, չկային անհասցե փոխաքնցումները եւ դիրքային սխալները, եւ Ջիբրալթարից շատ ավելի հզոր Մակեդոնիան մեր դարպասի մոտ ընդամենը մի քանի վտանգավոր պահ ստեղծեց:

Ընդգծենք նաեւ դարպասապահ Արամ Հայրապետյանի հաջող խաղը: Նա մի քանի անգամ շատ վստահ եւ հստակ գործեց:

Շատ ավելի հավաքված եւ լուրջ էին գործում Մխիթարյանը, Ղազարյանը, սպասվածից շատ ավելի լավ խաղ ցուցադրեց Ադամյանը: Յուրա Մովսիսյանն էլ երկար ընդմիջումից հետո խփեց իր գոլը: 

Ուշադրություն դարձնենք այն փաստին, որ չորս գոլից երկուսը խփվեց տուգանային հարվածից հետո: Գեւորգ Ղազարյանը եւ Հենրիխ Մխիթարյանը շքեղ գոլերի հեղինակ դարձան:

Բավական բարձր մակարդակի խաղ ցուցադրեց Վարազդատ Հարոյանը, վատ չխաղաց Պիզելիին փոխարինաց Արտակ Գրիգորյանը, հաճելիորեն զարմացրեց Կամո Հովհաննիսյանը:

Իհարկե, այս խաղը դեռ չի նշանակում, որ մեր հավաքականը լուծել է բոլոր խնդիրները, բայց մենք հասկացանք, որ ամեն ինչ դեռ չի կորել, եւ որ Ջիբրալթարն անցնելուց հետո դեռ կարող ենք ֆուտբոլ խաղալ:

Մենք նաեւ հասկացանք, որ հաղթում են խելամիտ, հավաքված, գրագետ խաղով եւ ոչ թե էմոցիայով եւ «դուխով»:

Կարճաժամկետ կտրվածքով մնանք սպասող Մակեդոնիայի սայթաքելուն, իսկ երկարաժամկետ կտրվածքով՝ ավելի հասուն եւ կայուն խաղի:

Top-News.am