Լարսի անցակետում գերծանր վիճակը շարունակվում է

Հայաստանի ԱԳՆ մամուլի խոսնակի ժամանակավոր պաշտոնակատար Աննա Նաղդալյանը լրագրողների հետ ճեպազրույցին, անդրադառնալով ՀՀ արտաքին քաղաքական օրակարգային հարցերին, ասել է, ՀՀ տրանսպորտի, կապի եւ ՏՏ նախարարությունը մշտական կապի մեջ է տեղի իշխանությունների հետ եւ քայլեր է ձեռնարկում առաջացող խնդիրներն արագ լուծելու համար: «Վրացական կողմից այս պահի դրությամբ գրանցված է 2 հարյուր մեքենա, սպասող ավտոշարասյան երկարությունը կազմում է երեք ու կես կմ»,- ասել է նա:

Իհարկե, եթե 15 կմ-անոց հերթը համեմատենք 3-4 կիլոմետրանոցի հետ, ապա հրաշալի պատկեր է ստացվում, բայց եթե ցանկանում եք պատկերացնել, թե ինչ է իրենից ներկայացնում երեք կամ չորս կիլոմետրոնոց ավտոմեքենաների հերթը, ապա հարցրեք Լարսով անցնող մեքենաների վարորդներին եւ ուղեւորներին:

Վրացական մաքսակետից ռուսականին հասնելու համար այսօր պահանջվում է առնվազնի 12-14 ժամ: Նույն արագությամբ էլ ռուսական մաքսակետից հայաստանյան ավտոմեքենաները հասնում են վրացական սահման: Խայտառակ եւ ծանր վիճակ:
Իսկ ամբողջ պատկերը պարզորոշ դարձնելու համար ասենք, որ մթերքներ կան, որոնք մի քանի ժամ ավելորդ սպասելու պատճառով անպիտան են դառնում:

Մի կարեւոր դիտարկում: Լարսում ոչ ձյուն է տեղացել, ոչ էլ քարաթափում է եղել: Հիմա հարց գիտակների համար՝ ինչո՞ւ եւ ում պատճառով է Լարսում նման իրավիճակ ստեղծվել եւ ինչ պետք է անել նման խայտառակ վիճակից հետագայում խուսափելու համար:
Ունենալով այս կարեւոր խնդիրը, կառավարությունը այնպիսի կեղվածք է ընդունել, կարծես խոսքը վերաբերում է Ապարան-Սառնաղբյուր ճանապարհում հայտնված փոսերի մասին:

Top-News.am