Ի՞նչ ենք անելու այսքան շատ ատելությունը
Մինչեւ «Սիրո եւ համերաշխության հեղափոխությունն» էլ Հայաստանն ատելության պակաս չէր զգում, բայց այն հիմա տեղի է ունենում սպասվածից վեր է եւ խիստ մտահոգիչ:
Ատելությունը խժռել է ամբողջ երկիրը: Նրանք, ովքեր մինչեւ ապրիլ-մայիս սարսափում էին անգամ մտքում դժգոհել իրավիճակից, հիմա ոչ միայն արտահայտվում են, այլ հայտնվել են սոցցանցերում եւ ատելություն են տարածում:
Նրանք պատրաստ են ամենավերջին բառերով եւ արտահայտություններով, հայհոյանքներով վիրավորել բոլոր նրանց, ովքեր համարձակվում են չկիսել իրենց տեսակետները, համարձակվում են քննադատել կառավարությանը եւ վարչապետին:
Ֆեյսբուքյան առավել ակտիվ օգտատերերը կոչ են անում կազմել հակահեղափոխականների ցուցակները, որ նրանց նկատմամբ կամ քրեական հետապնդում սկսեն, կամ արտաքսեն երկրից: Հիմա նրանք ատում են նաեւ Ռուսաստանին, ՌԴ ԱԳ նախարար Լավրովին: Նրանք ատում են բոլորին, բացի իրենցից:
Ո՞ւր է տանելու մեզ այս ատելությունը: Դժվար է ասել: Ցավոք, միայն նրանցով չի սահմանափակվում ատողների բանակը: Լեւոնականներն էլ ատում են բոլոր նրանց, ովքեր չեն կիսում իրենց տեսակետները եւ չեն հիանում Ռոբերտ Քոչարյանի ձերբակալությամբ:
Նրանք, ովքեր դեմ են նույնիսկ փոխզիջման ժամանակ տարածքները կարգավիճակի հետ փոխելու տարբերակին ատում են նրանց, ովքեր կողմ են տարածքային զիջումներին: Հակառակ կողմն էլ ատում է «չհանձնողներին»:
Չերկարացնենք: Երկիրը բաժանվել է խմբերի եւ խմբիկիների, որոնք իրար ատում են, հայհոյում, սպառնում, մեղադրում, պատրաստ են բոլորին բանտ նստացնել, խմել նրանց արյունը եւ այլն, եւ այլն: Եւ այս իրավիճակում սթափության ձայնը չի լսվում, ավելի ճիշտ խլացվում է:
Այս ամենի մեջ միայն մի դրական բան կա. ֆեյսբուքը իրականությունը չի արտացոլում:
Իրականում, իրական կյանքում բոլորովին այլ կարծիք եւ տեսակետ է իշխում, բայց հիմա խոսքը դրա մասին չէ, այլ նրա, որ սոցիալական ցանցերը, հատկապես ֆեյսբուքը վերածվել է ատելության ակումբի, որտեղ հայտնվելուց հետո պարզ է դառնում, որ մի խումբ սպասում է, թե երբ են գնդակահարելու երեք նախագահներին, նրանց աջակիցներին, բոլոր նրանց ովքեր համարձակվում են չհիանալ Նիկոլ Փաշինյանով եւ հատկապես Արայիկ Հարությունյանով, Սերգեյ Լավրովին եւ ՀՀՇ-ի Գեւորիկին ու ՀՀԿ-ի տատիկին:
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Հանրությանը մոլորեցնելու նպատակ ունեցող ապատեղեկատվություն
Եվրահանձնաժողովն իր աջակցությունն է հայտնել Լեհաստանի վարչապետին
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ