Գյումրիում վարչական ռեսուրսը հրաժարվում է սպասարկել ՀՀԿ-ին
Առաջադրված թեկնածուները նախընտրական շրջանում, գրեթե միշտ, ձայնհավաքման գործընթաց են իրականացնում, որը հասարակությանը հայտնի է որպես ցուցակագրում: Այս առումով հատկապես իշխանական ուժերն են աչքի ընկնում: Իշխանական թեկնածուներն այդ աշխատանքներում օգտագործում են սպառնալիքը: Մասնավորապես՝ պետական, տեղական ինքնակառավարման մարմինների, իշխանական անհատների բիզնեսներում աշխատող ընտրողին երկընտրության առաջ են կանգնեցնում՝ ընտրել իրենց մատնանշած թեկնածուին կամ հրաժեշտ տալ չնչին աշխատավարձով աշխատանքին:
Գյումրիում՝ մարզպետարանի, քաղաքապետարանի, դպրոցների, մանկապարտեզների եւ պետական ու համայնքային բյուջեից սնվող այլ կառույցների նախկինում պարտադրում էին ընտրել Սերժ Սարգսյանին եւ նրա ներկայացրած հանրապետական կուսակցությանը: Այլ կերպ ասած՝ գործի էր դրվում պաշտոնական դիրքի չարաշահումը՝ վարչական ռեսուրը իրենցով անելու համար:
Այժմ Գյումրիում այս տարբերակը նախկինի նման լայնամասշտաբ չի գործում: Գյումրեցին վերեւից իջած հրահանգին չի ենթարկվում: Այս քաղաքի ընտրողը պայքարում է իր քվեի համար: Նախկին ընտրություններից բավական է հիշել վերջին նախագահականը եւ Սահմանադրական հանրաքվեն: Նախագահի ընտրության ժամանակ Գյումրիում պարտվեց Սերժ Սարգսյանը, հաղթեց՝ Րաֆֆի Հովհաննիսյանը, իսկ հանրաքվեի ժամանակ պարտվեց Սարգսյանի ԱՅՈ-ն, հաղթեց՝ ժողովրդի ՈՉ-ը:
Առաջիկայում կայանալիք խորհրդարանական ընտրություններում իշխանությունը չի կարող հերթական անգամ, գոնե Գյումրիում, ուժ բանեցնել վարչական ռեսուրսի վրա՝ ամբողջությամբ: Գյումրեցին իր ընդդիմադիր հայացքները վաղուց է ցույց տվել:
Բավականին վերջերս Շիրակի մարզպետարանի վարչության պետերից մեկը հայտարարեց, որ սատարելու է «Օհանյան-Րաֆֆի-Օսկանյան» դաշինքին՝ մտավախություն չունենալով, որ խնդիրներ կունենա աշխատավայրում կամ մարզային ղեկավարության հետ:
Նույն իրավիճակն է նաեւ Գյումրու քաղաքապետարանում: Աշխատակիցներից մեկը, ով խնդրեց չհրապարակել իր անունը, նշեց, որ աշխատակազմի մեծ մասը չի քվեարկելու Սամվել Բալասանյանի մատնանշած թեկնածուի օգտին: Նրանք 2016-ի ՏԻՄ ընտրությունների ժամանակ անգամ չեն քվեարկել նույնիսկ Բալասանյանի օգտին:
Այս ամենը խոսում է այն մասին, որ Գյումրիում իշխանության սպառնալինքները անելիք այլեւս չունեն: Մարդիկ ցանկանում են վերջնական իշխանափոխության ականատեսը լինել:
Դավիթ Գասպարյան
Վարդան Ղուկասյանը երկու ամսով կալանավորվեց
Գյումրիի քաղաքապետարանը քաղաքացիներին հորդորում է չտրվել սադրանքների
Կարմիր ու սեւ բերետավորները բիրտ ուժի կիրառմամբ բերման են ենթարկում քաղաքացիներին. լսվում են հայհոյանքներ (տեսանյութ)
Գյումորւ քաղաքապետ Վարդան Ղուկասյանին տեղափոխում են Երևան՝ Հակակոռուպցիոն կոմիտե
Ինչպես են կարմիր բերետավորները մուտք գործում Գյումրիի քաղաքապետարանի շենք (տեսանյութ)
Աշխարհի ամենահայտնի Խորհրդարանական ծեծկռտուքները (ֆոտոշարք)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Եվրահանձնաժողովն իր աջակցությունն է հայտնել Լեհաստանի վարչապետին
Հանրությանը մոլորեցնելու նպատակ ունեցող ապատեղեկատվություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Իրանական պատվիրակությունը Դոհայում բանակցություններ է վարել Կատարի միջնորդների հետ