Տարոն Մարգարյանի տունը չի խուզարկվել, Մարգարյանը դեռևս չի հարցաքննվել

Երևանի քաղաքապետ Տարոն Մարգարյանի տունը չի խուզարկվել։ Այսօր այդ մասին կառավարության նիստից առաջ «Ազատության» հարցին ի պատասխան ասաց Ազգային անվտանգության ծառայության (ԱԱԾ) պետ Արթուր Վանեցյանը։

«Ազատություն»-ը մասնավորապես հետաքրքրվեց, թե Տարոն Մարգարյանի տունը խուզարկելու մասին լուրերն արդյոք համապատասխանո՞ւմ են իրականությանը, Վանեցյանը պատասխանեց. - «Չկա նման բան»։

Վերջերս հրապարակվել էր մի տեսանյութ Տարոն Մարգարյանի ունեցվածքի մասին։ Տեսանյութում նշվում էր, որ թեև 40-ամյա Տարոն Մարգարյանն, իր ամբողջ կյանքի ընթացքում եղել է միայն պետական պաշտոնյա, սակայն զգալի չափով ունեցված է կուտակել։

Տեսանյութի հեղինակները հայտարարեցին, որ իրենց հավաքած բոլոր տվյալները փոխանցել են ԱԱԾ։ Հարցին, թե գործը հիմա ի՞նչ փուլում է, Վանեցյանը պատասխանեց. - «Ընդհանուր «Երևան» հիմնադրամի գործի քննության ընթացքում այդ երևույթներն էլ են հիմա ուսումնասիրվում, եթե կլինեն խախտումներ, գնահատականը կտրվի»։

Ճշտող հարցին, թե Տարոն Մարգարյանը հրավիրվե՞լ է հարցաքննության, Վանեցյանը պատասխանեց. - «Դեռևս ոչ»։

ԱԱԾ-ն «Երևան» հիմնադրամում անցկացրած խուզարկությունների արդյունքում պաշտոնեական լիազորությունները չարաշահման և պաշտոնական դիրքն օգտագործելով խարդախություն կատարելու հոդվածների հատկանիշներով քրեական գործ է հարուցել ու մեղադրանք առաջադրել հիմնադրամի տնօրեն Աշոտ Ղազարյանին և Դավիթաշենի թաղապետի տեղակալ Խաչատուր Կարապետյանին: ԱԱԾ-ն հաղորդում էր ստացել, որ կառուցապատման և գույքի ձևակերպման թույլտվությունների համար, բացի օրենքով սահմանված վճարումներից, քաղաքացիներին պարտադրել են «Երևան» հիմնադրամին փոխանցել խոշոր գումարներ, որոնց մի մասը հիմնադրամի հաշվեհամար չի մուտքագրվել և հափշտակվել է:

Այս թեմայով Տարոն Մարգարյանը դիմել է երեւանցիներին եւ ակնկալել ներողամտություն Տարոն Մարգարյանի գլխին ամպեր են կուտակվում Հաղորդման նյութերը ողջ ծավալով փոխանցված են ԱԱԾ-ին. վարչապետի օգնականը՝ Տարոն Մարգարյանի ունեցվածքի մասին Բողոքի ակցիա քաղաքապետարանի դիմաց (Ուղիղ) Ինչպես Տարոն Մարգարյանը ջուրը գցեց 17 միլիոն 160 հազար դրամը