Նիկոլ Փաշինյանը հստակ եւ պարզ բացատրեց, թե ինչու է կողմ

Կուտակային կենսաթոշակների մասին օրենքը կամ դրա շուրջ քննարկումները նոր կրքեր են բորբոքել:

«Ովքեր այս պատասխանատվությունը վերցնում են մեզ հետ են, ովքեր այս պատասխանատվությունը չեն վերցնում՝ մեզ հետ չեն»,- կառավարության նիստում ասաց ՀՀ վարչապետ Նիկոլ Փաշինյանը, շեշտելով, որ դեմ է հարցերին անուղիղ մոտեցումներին:

Եթե մի կողմ դնենք կանխակալ մոտեցումները, հույզերը եւ կրքերը, ապա միանշանակ է, որ այս հարցում Նիկոլ Փաշինյանը ճիշտ է եւ հանդես է բերել պետական գործչին վայել որակներ: Նա արձանագրեց առկա իրողությունը, մատնանշեց պարտադիր կուտակային համակարգից հրաժարվելու ծանր հետեւանքները, նշեց առավելությունները եւ շատ պարզ ասաց, թե ինչ է պետք այս պահին պետությանը:

Պարտադիր բաղադրիչի ամբողջական ներդնումը թեկուզ մեկ տարով հետաձգելը հանգեցնելու էր անցանկալի հետեւանքների՝ ուղակի հարված հասցնելով պետությանը եւ նրա միջազգային հեղինակությանը:

Ի դեպ, չմոռանանք, որ պարտադիր կուտակային համակարգի մասին օրենքն ընդունվել է ՀՀԿ-ական մեծամասնության նախաձեռնությամբ եւ քվեարկությամբ եւ այսօր այն արդեն իրողություն է, որից հրաժարվելը հաստատ հանգեցնելու է շատ ծանր հետեւանքների:

Այո, պարտադիր բաղադրիչը չուներ եւ չունի հանրության աջակցությունը, բայց կառավարության, այն էլ հանրային լայն աջակցություն ունեցող կառավարության հիմնական առաքելություններից մեկը նաեւ հանուն պետության եւ ազգի ցավոտ բարեփոխումների իրականացումն է, որոնք շատ հաճախ բացասաբար են ընդունվում լայն հանրության կողմից: Եւ այս պարագայում վերոհիշյալ հարցի վերաբերյալ

Փաշինյանի որդեգրած դիրքորոշումն ու մոտեցումը միանշանակ գովելի է եւ աջակցության կարիք է զգում:

Top-News.am