Կիմ Չեն Ընը որպես հաշտության ժեստ ժամացույցի սլաքները կես ժամ առաջ կտանի

Հյուսիսկորեացի առաջնորդ Կիմ Չեն Ընը որպես հաշտության ժեստ ժամացույցի սլաքները կես ժամ առաջ կտանի՝ Հարավային Կորեայի հետ ժամային միասնական գոտի սահմանելով: Այս մասին հայտարարել է Հարավային Կորեայի նախագահի ներկայացուցիչը՝ նշելով, որ այս հարցում համաձայնություն է ձեռք բերվել երկու Կորեաների պատմական գագաթնաժողովի ժամանակ, փոխանցում է AFP-ն:

2015 թվականից Հյուսիսը եւ Հարավը ժամային տարբեր գոտիներ ունեին, երբ Փհենյանը որոշել էր ժամացույցի սլաքները 30 րոպե հետ տանել՝ հիմնավորելով, որ այս կերպ է ցանկանում նշել թերակղզում 1910-45 թվականներին հաստատված Ճապոնիայի գաղութային գերիշխանությունից ազատագրումը:

Ինչպես նշել է պաշտոնյան Հարավային Կորեայի նախագահ Մուն Ջեինի հետ հանդիպման ժամանակ Կիմը հուզվել է՝ պատի զույգ ժամացույց տեսնելով, որոնք տարբեր ժամեր էին ցույց տալիս: «Քանի որ հենց մենք ժամանակը փոխեցինք, ապա հենց մենք էլ կվերադառնանք ժամային այն գոտուն, որը մինչ այդ կար: Դուք կարող եք այս մասին հրապարակայնորեն հայտարարել»,- Կիմին մեջբերել է հարավկորեացի պաշտոնյան:

Հարավը ողջունել է այս «խորհրդանշական քայլը»՝ Սեուլի եւ Փհենյանի միջեւ կապերի բարելավման համար:

news.am

Այս թեմայով ԱՄՆ նախագահը նոր նամակ է ստացել Կիմ Չեն Ունից Կիմ Չեն Ընը Թրամփի հետ հանդիպելու վճռական մտադրության մասին է հայտնել Թրամփը Կիմ Չեն Ընի հետ հանդիպումը «առանձնահատուկ» է համարում Պոմպեոն հայտարարել է Հյուսիսային Կորեայի հարցում առաջընթացի իրական հնարավորության մասին Կիմ Չեն Ընը ցանկանում է քննարկել Ճապոնիայի հետ հարաբերությունների կարգավորման հարցը