Երբ նա բարկանում է, անմիջապես անցնում է գերմաներենի կամ անգլերենի

Կատալոնական «Բարսելոնայի» երիտասարդ պաշտպան Պաու Կուբարսին ուշագրավ և զվարճալի մանրամասներ է պատմել թիմի գլխավոր մարզիչ Հանսի Ֆլիկի հետ աշխատանքային առօրյայից։ 19-ամյա ֆուտբոլիստի խոսքով՝ խաղացողներն անմիջապես զգում են գերմանացի մասնագետի տրամադրության փոփոխությունը՝ անգամ առանց նրա ասած բառերը հասկանալու։

Հարցազրույցի ընթացքում Կուբարսին անդրադարձել է նաև թիմի ներսում իր լեզվական նախասիրություններին։ Թեև երիտասարդ պաշտպանը լիարժեք տիրապետում է իսպաներենին, խոստովանել է, որ որոշ իրավիճակներում իրեն շատ ավելի բնական ու անկաշկանդ է զգում մայրենի կատալոներենով խոսելիս։ Մասնավորապես, նա նախընտրում է կատալոներենով շփվել պաշտպանության գծի իր խաղընկերոջ՝ Էրիկ Գարսիայի հետ։

Հիշեցնենք, որ Հանսի Ֆլիկը «կապտանռնագույններին» գլխավորում է 2024 թվականից։ Գերմանացի մասնագետի օրոք «Բարսելոնան» արդեն հասցրել է նվաճել Իսպանիայի չեմպիոնի երկու տիտղոս, երկրի Գավաթը, ինչպես նաև երկու անգամ հռչակվել է Իսպանիայի սուպերգավաթակիր։

Ինչ վերաբերում է 19-ամյա Պաու Կուբարսիին, ապա նա վաղուց ամրապնդել է իր տեղը կատալոնական գրանդի մեկնարկային կազմում։ Ընթացիկ մրցաշրջանում երիտասարդ կենտրոնական պաշտպանը մասնակցել է 13 հանդիպման՝ դառնալով 2 գոլային փոխանցման հեղինակ։

armsport.am