Կիմ Չեն Ընը Թրամփի հետ հանդիպելու վճռական մտադրության մասին է հայտնել

ԿԺԴՀ առաջնորդ Կիմ Չեն Ընը ԱՄՆ նախագահ Դոնալդ Թրամփի հետ հանդիպելու վճռական մտադրության մասին է հայտնել: Այս մասին շաբաթ Փհանմունջոմ սահմանային կետում Հարավային Կորեայի նախագահ Մուն Չժե Ինի հետ բանակցությունների ընթացքում ասել է Կիմ Չեն Ընը, հաղորդում է ՏԱՍՍ-ը՝ վկայակոչելով Կորեայի կենտրոնական հեռագրային գործակալությանը:

«Առաջնորդը շնորհակալություն է հայտնել նախագահ Մուն Չժե Ինին ջանքերի համար, որոնք նա գործադրել ԿԺԴՀ-ի եւ ԱՄՆ-ի ղեկավարների հունիսի 12-ին նախատեսված գագաթաժողովը իրականացնելու համար եւ հանդիպման անցկացման համար վճռական մտադրություն է հայտնել», - ասվում է հաղորդագրությունում:

Կիմ Չեն Ընը նշել է, որ Փհենյանը եւ Սեուլը պետք է համագործակցեն «ԿԺԴՀ-ի եւ ԱՄՆ-ի միջեւ հարաբերությունների բարելավման եւ Կորեական թերակղզում մշտական եւ տեւական խաղաղության համակարգ ստեղծելու համար»:

Հաղորդվում է նաեւ, որ ԿԺԴՀ-ի եւ Հարավային Կորեայի ղեկավարները հունիսի 1-ին բարձր մակարդակի բանակցություններ կանցկացնեն:

«Հյուսիսի եւ Հարավի ղեկավարները պայմանավորվել են հունիսի 1-ին բարձր մակարդակի միջկորեական բանակցություններ անցկացնել եւ խթանել ոլորտներին վեաբերող բանակցությունները, ներառյալ զինվորականների եւ Կարմիր Խաչի մասին բանակցությունները», - ասվում է հաղորդագրության մեջ:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման