Փետրվարին Ալավերդի Վանաձորով չգնաք

Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ Վանաձոր - Ալավերդի - Վրաստանի սահման միջպետական ավտոճանապարհին իրականացվող երկու թունելների շինարարության ընթացքում երթևեկության անվտանգությունն ապահովելու նպատակով հունվարի 29-ից մինչև մարտի 1-ը՝ ժամը 8։00-ից մինչև 19։00-ը, ճանապարհի 30-32 կմ հատվածում տրանսպորտային միջոցների երթևեկությունը կդադարեցվի։

Տրանսպորտային միջոցների ներհամայնքային երթևեկությունը, ըստ նախարարության, դեպի Ալավերդի, Վանաձոր և մոտակա բնակավայրեր կարող է իրականացվել Դսեղ-Մարց ավտոճանապարհով։