Հուսիները կրկին հարվածել են Սաուդյան Արաբիայի օդանավակայանին
Առնվազն մեկ մարդ զոհվել և 11-ը վիրավորվել են Սաուդյան Արաբիայի մայրաքաղաքի միջազգային օդանավակայանին հարվածի հետևանքով։
Սաուդյան Արաբիայի քաղաքացիական ավիացիայի գլխավոր վարչությունը (GACA) հայտնել է մայրաքաղաք Ալ-Ռիադի «Քինգ Խալիդ» միջազգային օդանավակայանի ուղղությամբ հանգստյան օրերին իրականացված երկրորդ հարձակման մասին: Կիրակնօրյա հարձակման պատճառով հրդեհ է բռնկվել օդանավակայանի տերմինալներից մեկում: Սա վերջին շաբաթվա ընթացքում ավիացիոն ենթակառուցվածքների թիրախավորման հերթական դեպքն է։
Եմենի հուսիների «Անսար Ալլահ» շարժումը ստանձնել է հարձակումների պատասխանատվությունը: Խմբավորման ներկայացուցիչ Յահյա Սարին հայտարարել է, որ հարվածները հասցվել են բալիստիկ ու թևավոր հրթիռներով և ԱԹՍ-ներով՝ թիրախավորելով նաև Դամամի օդանավակայանն ու սաուդյան նավթային օբյեկտները:
Հուսիները նախազգուշացրել են միջազգային ավիաընկերություններին զերծ մնալ Սաուդյան Արաբիայի օդային տարածքից՝ ընդգծելով, որ թագավորության բոլոր օդանավակայանները՝ բացառությամբ Մեքքայի և Մեդինայի, համարվում են ռազմական թիրախներ: Էր-Ռիադի և հուսիների միջև 2022-ին կնքված զինադադարը խախտվել էր 2026 թվականի ամռանը:
ՆԳՆ ՔՈԳՎ պետը մասնակցել է ոստիկանության ղեկավարների եվրոպական համաժողովին
Գիտեմ, որ ճիշտ որոշում եմ կայացնում
Էլեկտրաէներգիայի ընդհատումներ կլինեն Երևանում և մարզերում
Մարկո Ռուբիոյին կոչ են արել դադարեցնել Ադրբեջանին ցուցաբերվող ամերիկյան ռազմական աջակցությունը
Իրանի նախագահը հայտարարել է, որ իր երկիրը լայնամասշտաբ պատերազմի վիճակում է
«Ժողովրդավարությունը՝ որպես Հայաստանի խաղաղության ուղի». դեսպան Նարեկ Մկրտչյանի ելույթը ԱՄՆ-ում
Երբ դուրս ես գալիս խաղադաշտ, մտածում ես բացառապես հաղթանակի մասին
Ջազ համերգ՝ Կասկադի տարածքում
Առաջիկա օրերին՝ անձրև, ամպրոպ․ջերմաստիճանն էապես չի փոխվի
Ով պետք է այս տարի ստանա Ոսկե գնդակը