ՆԳՆ ՔՈԳՎ պետը մասնակցել է ոստիկանության ղեկավարների եվրոպական համաժողովին
Սեպտեմբերի 28-ից 30-ը Եվրոպոլի կենտրոնակայանում կայացել է Եվրոպայի ոստիկանության ղեկավարների համաժողովը, որին մասնակցել է ՆԳՆ ոստիկանության քրեական ոստիկանության գլխավոր վարչության պետ, ոստիկանության պետի տեղակալ Արթուր Բարսեղյանը։ Միջոցառմանը ներկա էր նաև Եվրոպոլում ՆԳՆ ներկայացուցիչ Արա Ֆիդանյանը։
Համաժողովի նպատակն էր անվտանգության սպառնալիքների դիմակայումը և իրավապահ համակարգերի միջև միջազգային համագործակցության ընդլայնումը։ Քննարկումների առանցքում էին արհեստական բանականության կիրառմամբ իրականացվող կիբեռհանցագործությունների, խարդախությունների ու ապատեղեկատվական արշավների հակազդումը, ինչպես և դրանց դեմ պայքարում արհեստական բանականության ընձեռած հնարավորությունների ներդրումը: Մասնակիցներն անդրադարձել են նաև առցանց ծայրահեղականությանը, հիբրիդային սպառնալիքների բացահայտմանը, տվյալների միջսահմանային փոխանակմանն ու վաղ միջամտության ծրագրերի մշակմանը:
Անդրսահմանային հանցավորությունը կասեցնելու նպատակով կարևորվել է ոստիկանական և մաքսային համագործակցության ամրապնդումը, ինչի շրջանակում Եվրոպոլի և Մաքսային համաշխարհային կազմակերպության միջև ստորագրվել է համատեղ գործողությունների ծրագիր (2026–2027 թթ.)։
Միջոցառման ընթացքում կարևորվել է նաև միջազգային գործընկերների հետ ՀՀ ՆԳՆ արդյունավետ փոխգործակցությունը՝ տարածաշրջանային և գլոբալ անվտանգային սպառնալիքներին համատեղ դիմակայելու գործում։
Այցի ընթացքում Արթուր Բարսեղյանը հանդիպել է նաև ԱՄՆ և Իսպանիայի պատվիրակությունների, ինչպես նաև Եվրոպոլի գործադիր տնօրենի պաշտոնակատար Յուրգեն Էբների հետ։
Կողմերը քննարկել են համագործակցությանն առնչվող մի շարք հարցեր։
«Ռոսատոմը» համագործակցում է Հայաստանի հետ «Նաիրիտ» նախագծի շուրջ․ Լիխաչով
Գոռ Մինասյանը դարձել է Ասիական խաղերի բրոնզե մեդալակիր
Էլեկտրաէներգիայի ընդհատումներ կլինեն Երևանում և մարզերում
Առաջին միավորները Ազգերի լիգայի խաղարկությունում
ԱՄՆ-ում ՀՀ դեսպանը հանդիպել է «Ապրելու արվեստ» շարժման հիմնադիրի հետ (տեսանյութ)
ՀՀ բանակի զինծառայողների պարապմունքները «Տիր» հրետանային համակարգով (տեսանյութ)
ՀՀ տարածքում ավտոճանապարհներն անցանելի են
Ռոնալդուի անձնական ինքնաթիռը մեկնել է Մադրիդ
Փարիզի նորաձևության շաբաթը սկսվել է անակնկալ ելույթով
Հայաստանի Հանրապետությունում ևս արձանագրվել է վառելիքի գների բարձրացում