Ferrari-ն էլիտար սուպերէլեկտրաքար կստեղծի

Ferrari ընկերությունը մտադիր է ստեղծել էլիտար սուպերէլեկտրամեքենա: Այս մասին հայտարարել է Fiat Chrysler Automobiles-ի (FCA, որի մեջ է մտնում Ferrari-ն) գլխավոր տնօրեն Սերջո Մարկյոնեն, հայտնում է Bloomberg-ը:

Նրա կարծիքով՝ այն ամենը, ինչ հիմա անում է Tesla-ն, կարող են անել նաեւ ոլորտի մյուս մասնակիցները: «Սա կլինի շուկայում ամենաարագ ամենագնացը»,- ասել է Մարկյոնեն: Նոր Ferrari-ն իր թափքով նման չի լինի այս սեգմենտի գոյություն ունեցող ոչ մի մեքենայի, հստակեցրել է նա:

Ընկերությունը պատրաստ է էկոլոգիապես մաքուր էլեկտրական մարտկոցներով սուպերքարերի արտադրությանը, ասել է թոփ մենեջերը: «Եթե որեւէ մեկն անգամ ստեղծելու է էլեկտրական սուպերքար, ապա Ferrari-ն նրանց թվում առաջինը կլինի: Մենք այդպիսի մեքենա կպատրաստենք, եւ կարեւոր չէ՝ արդյոք այն կվաճառվի՞, սա պարտականություն է»,- հայտարարել է Մարկյոնեն: