Հետկանչը վերաբերում է «Jeep Wrangler» ամենագնացներին և «Jeep Gladiator» պիկապներին։ Պատճառը էլեկտրահիդրավլիկ ղեկային ուժեղացուցիչի հաղորդալարերի էլեկտրական միացման հնարավոր անսարքությունն է, որը եզակի դեպքերում կարող է հանգեցնել գերտաքացման և հրդեհի բռնկման։

Ընկերությունը սեփականատերերին խորհուրդ է տալիս մինչև թերության վերացումը մեքենաները կայանել շենքերից և այլ տրանսպորտային միջոցներից հեռու գտնվող վայրերում։ Հետկանչի որոշումն ընդհանուր առմամբ վերաբերում է մոտ 1,08 միլիոն մեքենայի ԱՄՆ-ում, 106 հազարի՝ Կանադայում, 23 հազարի՝ Մեքսիկայում և շուրջ 125 հազարի՝ այլ շուկաներում։

«Stellantis»-ի տվյալներով՝ նորոգումը ներառելու է հաղորդալարերի կամ ղեկի ուժեղացուցիչի պոմպի ստուգում և, անհրաժեշտության դեպքում, փոխարինում։ Ակնկալվում է, որ խնդրի լուծումը պատրաստ կլինի ոչ ուշ, քան հուլիսին։ Հաղորդվում է այս թերության հետ կապված հնարավոր վնասվածք ստանալու մեկ դեպքի մասին։