Լարսի ռուսական կողմում մոտ 168 բեռնատար և 81 մարդատար մեքենաներ են կուտակվել

Արտակարգ իրավիճակների նախարարությունը տեղեկացնում է, որ այսօր ժամը 12:00-ի դրությամբ ՀՀ տարածքում կան դժվարանցանելի ավտոճանապարհներ:

Ըստ հաղորդագրության, դեկտեմբերի 24-ին, 25-ի գիշերը ժամանակ առ ժամանակ, դադարներով սպասվում են տեղումներ և մառախուղ: 25-ի ցերեկը, 26-28-ին սպասվում է առանց տեղումների եղանակ:

Սոթք-Քարվաճառ ավտոճանապարհը և Վարդենյաց լեռնանցքը դժվարանցանելի են:

Վայոց ձորի մարզի Ջերմուկ քաղաքում, Շիրակի մարզի Աշոցքի տարածաշրջանում, Գորհայք-«Զանգեր» ավտոճանապարհին և Մ-2 ավտոճանապարհի Սարավան-«Զանգեր» հատվածում տեղում է ձյուն, իսկ Լոռու մարզում, Գեղարքունիքի մարզի Վարդենիս քաղաքում և Սոթք-Քարվաճառ ավտոճանապարհին՝ թույլ ձյուն, Սյունիքի մարզի «Մեղրու սար» կոչվող հատվածում մառախուղ է, Վարդենյաց լեռնանցքում՝ բուք:

«Ելնելով սպասվող անբարենպաստ եղանակային պայմաններից` բոլոր վարորդներին հորդորում ենք մարզեր երթևեկել բացառապես ձմեռային անվադողերով», - ասված է հաղորդագրությունում։

Վրաստանի ՆԳՆ ԱԻ դեպարտամենտից ստացված տեղեկատվության համաձայն Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար:

«ՌԴ ԱԻՆ Հարավային Օսեթիայի ՃԿԿ-ից ստացված տեղեկատվության համաձայն ռուսական կողմում կան կուտակված մոտ 168 բեռնատար և 81 մարդատար ավտոմեքենա», - ասված է հաղորդագրությունում:

Այս թեմայով Լարսում կուտակումներ են․ հայ վարորդներին թույլ չեն տալիս անցնել սահմանը (տեսանյութ) Վրաստանը Հայաստանին միջանցք կտրամադրի դեպի Ռուսաստան Լարսի ավտոճանապարհը բաց է բոլոր մեքենաների համար Լարսի ավտոճանապարհը բաց է տրանսպորտային բոլոր միջոցների համար Լարսի ճանապարհը բաց է բոլոր մեքենաների համար, այդ թվում՝ ծանրաքարշ