Խաբի Ալոնսոն վայելում է ակումբի լիակատար աջակցությունը. Marca
Մադրիդի «Ռեալի» մի շարք ֆուտբոլիստներ ցնցված են եղել թիմի գլխավոր մարզիչ Խաբի Ալոնսոյի՝ ակումբից հեռանալու լուրից։ Marca-ի հաղորդմամբ՝ խաղացողներից ոչ ոք չէր սպասում նման որոշման մրցաշրջանի այս հատվածում, հատկապես՝ Իսպանիայի Սուպերգավաթի եզրափակչում «Բարսելոնայից» կրած պարտությունից (2-3) հետո տիրող համեմատաբար հանգիստ մթնոլորտի ֆոնին։
Աղբյուրի փոխանցմամբ՝ Սուպերգավաթի եզրափակչից հետո ֆուտբոլիստները մարզչի պաշտոնավարման շարունակումը որպես օրինաչափություն էին ընկալում։ Անհանգստության պատճառներ կամ նշաններ, որ ղեկավարությունը դիտարկում է մարզչին փոխելու տարբերակը, չեն եղել՝ հաշվի առնելով նաև կատալոնացիներից կրած նվազագույն հաշվով պարտությունը։ Ընդհակառակը, թիմը հասկանում էր, որ նախագիծը շարունակվում է, և Ալոնսոն վայելում է ակումբի լիակատար աջակցությունը, ինչը կարծես թե հաստատվել էր պարգևատրման արարողության ժամանակ նախագահի և մարզչի ջերմ գրկախառնությամբ։
Այդ իսկ պատճառով, հեռանալու մասին հայտարարությունը իսկական շոկ է եղել թիմի համար։ Մի քանի ֆուտբոլիստներ մասնավոր զրույցներում խոստովանել են, որ փոփոխության մասին իմացել են ակումբի պաշտոնական հայտարարությունից՝ առանց նախնական ծանուցման, ինչն էլ ավելի է մեծացրել նրանց տարակուսանքը։
Ըստ աղբյուրի՝ որոշ խաղացողներ պնդում են, որ վերջին շաբաթներին մարզչի և հանդերձարանի հարաբերություններն ավելի հարթ էին դարձել։
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Աբու Դաբին կունենա համաշխարհային արվեստի նոր կենտրոն
Քրիստիան Ռոմերոն պահանջում է տարեկան 8 միլիոն եվրո աշխատավարձ
Սևանում տեղի է ունեցել «Sevan AgriTech Summit»-ը
Անգլիական ֆուտբոլում խտրականության ցանկացած դրսևորման համար կսահմանվեն 10-խաղյա որակազրկումներ
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից