Վերանայվում են արքայազն Հարրիի անվտանգության միջոցառումները․ Telegraph

Մեծ Բրիտանիայի կառավարությունը սկսել է արքայազն Հարիի երկրում գտնվելու ընթացքում նրա անվտանգությունն ապահովող միջոցառումների վերանայումը։ Դրա պատճառը եղել է նրա դիմումը երկրի Ներքին գործերի նախարարություն՝ սպառնալիքների մակարդակի կրկնակի գնահատում կատարելու խնդրանքով, գրում է The Daily Telegraph թերթը։

Արքայազն Հարին և Մարքլը 2020 թվականի մարտի 31-ից դադարել են պահպանել բրիտանական թագավորական ընտանիքի ավագ անդամի կարգավիճակը։ Այդ օրվանից զույգը կորցրել է ուղևորությունների ժամանակ պաշտոնապես միապետին ներկայացնելու, այլ արարողակարգային պարտականություններ կատարելու և Նրանց Արքայական Մեծությունների տիտղոսն օգտագործելու հնարավորությունը։ Նրանք տեղափոխվել են ԱՄՆ և տուն գնել Սանտա Բարբարայում (Կալիֆոռնիայի նահանգ), որտեղ մեծացնում են իրենց որդուն՝ Արչիին և դստերը՝ Լիլիբեթ Դիանային։

Դրանից հետո Մեծ Բրիտանիայի ՆԳՆ-ն արքայազն Հարիին մերժել է հայրենիք կատարած այցելությունների ժամանակ նրան ավտոմատ կերպով ոստիկանական պաշտպանություն տրամադրելու հարցում։ Սասեքսի դուքսի փաստաբանները բողոքարկել են այդ որոշումը՝ կոչ անելով բրիտանական իշխանություններին մանրակրկիտ վերլուծել այդ քայլի ռիսկերը։