Բրիթնի Սփիրսը Քևին Ֆեդերլայնի հետ վեճից հետո վերադարձել է Instagram և կիսվել «տառապանքի և տգեղության» մասին հաղորդագրությունով

Բրիթնի Սփիրսը տոնական շրջանին ընդառաջ մի փոքր մտորում է, գրում է People-ը։ Նոյեմբերի 7-ին իր Instagram-ի էջը վերաակտիվացնելուց հետո, 43-ամյա փոփ սուպերաստղը երկար մակագրությամբ կիսվել է իր ներքին երեխային լսելու և այն մասին, թե ինչպես կարող են «լավ բաներ» տեղի ունենալ դժվար ժամանակներում։ Հաղորդագրությունը արված է Ադելի «Send My Love (To Your New Lover)» երգի տակ․ նա պարում է և ձայնակցում տողերին։

Սփիրսը իր մակագրությունը սկսել է հետևյալ կերպ. «Չեմ գտել այս տարվա տոնական զգեստս… Մտածելը լավ է հոգու համար… Երբեմն, երբ դժվար բաներ են պատահում, դրանից լավ բաներ են գալիս, և մենք սովորում ենք… Ես սովորեցի, որ զգացմունքներով արտահայտվելու իրական նոտաները շատ բան են ասում մեզ բոլորիս համար։»

Հաջորդիվ, երգչուհին կիսվել է ներքին երեխային պահելու կարևորության մասին ուղերձով։

«Անվանեք դա մանկամտություն, հիմարություն, նյարդայնացնող… Մենք մեծանում ենք՝ դառնալով կին, բայց համարձակվո՞ւմ եք պահել հոգու ամենազգայուն մասը և թույլ տալ, որ այն ապստամբի… ներսում գտնվող երեխան պետք է խոսի ամենախոցելի ժամանակներում»։

«Տխրությունն ու խավարը գոյատևում են՝ ինչ-որ մեկին կորցնելու, ցավի ու վիրավորանքի մասին հասկանալու համար…», - գրել է Սփիրսը։ «Երբեմն տառապանքի, տգեղության և զոհաբերության միջոցով կարող են դրսևորվել և կիսվել չափազանց հազվագյուտ և գեղեցիկ բաներ, որոնք կարող են հուզել մեկ այլ մարդու, որպեսզի նա հասկանա, որ միայնակ չէ… և այնուամենայնիվ, իմ մեջ եղած կինը կհամոզվի, որ ես կգտնեմ իմ նպատակակետը»։

«Gime More» հիթի կատարողն ավարտել է հաղորդագրությունը Շնորհակալության տոնակատարության մասին հետգրությամբ՝ բացահայտելով, որ վայելել է տոնական ճաշը։

Կիրակի օրը՝ նոյեմբերի 30-ին, Սփիրսը խմբագրել է իր մակագրությունը՝ այն շատ ավելի կարճ դարձնելով. «Ես ինձ գեղեցիկ էի զգում այդ լողազգեստով … փսսս, պետք է գտնեմ այդ Մերի Ջեյն կոշիկները», - գրել է նա թարմացված մակագրության մեջ։