Լեհաստանի լճերից մեկի հատակում շքեղ զարդարված միջնադարյան «իշխանի» նիզակ է հայտնաբերվել
Հնագետները Լեհաստանի Լեդնիցա լճի ջրի տակ հայտնաբերել են միջնադարյան նիզակի չորս ծայրեր, որոնցից մեկն առանձնապես աչքի է ընկնում. այն զարդարված է ոսկով, արծաթով, բրոնզով և խրթին երկրաչափական նախշերով, գրում է Live Science-ը։
Նիզակներից մեկը պահպանել է իր՝ մոտավորապես 2 մետր երկարությամբ փայտե ձողը, իսկ նրա հիմքին եղջերուի եղջյուրի օղակ է ամրացված՝ շատ հազվագյուտ առանձնահատկություն։
Լեդնիցա լիճը վաղուց հայտնի է հնագետներին. տարիների հետազոտությունների ընթացքում այնտեղ ավելի քան 200 հնագույն զենք է հայտնաբերվել։
Լճում զենքերի այդքան մեծ քանակի պատճառները քննարկվում են. հնարավոր է, որ որոշ նիզակներ ընկել են այնտեղ մարտերի ժամանակ, հատկապես, երբ կամուրջները կապում էին Լեդնիցկի կղզին և նրա ափերը։ Մեկ այլ վարկածով էլ զենքերը ծիսական զոհաբերություններ էին. այդ օրերին ջուրը կարող էր դիտվել որպես « անդրշիրիմյան աշխարհ տանող դարպաս»։
Հնագետները մտադիր են հետագա հետազոտություններ անցկացնել. արդեն իսկ իրականացվում է մետաղական կազմի վերլուծություն՝ զարդերի և հնարավոր արհեստավորների ծագումը որոշելու, ինչպես նաև Լեդնիցա լճի դերը միջնադարյան Լեհաստանի քաղաքական և ծիսական կյանքում ավելի լավ ըմբռնելու համար։
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Աբու Դաբին կունենա համաշխարհային արվեստի նոր կենտրոն
Ուրումչիի մշակութային ուղին. Գրանդ բազար
Սևանում տեղի է ունեցել «Sevan AgriTech Summit»-ը
Քրիստիան Ռոմերոն պահանջում է տարեկան 8 միլիոն եվրո աշխատավարձ
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից