Նկարագրվել է թունավոր տեգագորտի նոր տեսակ՝ յուրահատուկ ճիչով

Պերուի և Բրազիլիայի սահմանին նկարագրվել է Ranitomeya ցեղի մանր թունավոր տեգագորտի նոր տեսակ: Գորտն արձակում է յուրահատուկ ճիչ, որը բաղկացած է շատ արագ, կրկնվող ճիչերի շարքից: Ուսումնասիրության արդյունքները հրապարակվել են Zootaxa ամսագրում:

Նոր տեսակը անվանվել է Ranitomeya hwata, որը պատկանում է այսպես կոչված Vanzolinii վառ գույնի ծառային գորտերին խմբին, որը տարբերվում է յուրահատուկ ճիչերով և զուգավորման վարքագծով: R. hwata-ն կարելի է ճանաչել կապույտ կամ դեղին մաշկով, մեջքի երկայնքով մուգ շերտերով և որովայնի ու վերջույթների վրայի բծերով:

Գիտնականները նշում են, որ խմբի նոր անդամը առանձնանում է իր յուրահատուկ ճիչով՝ իր ցեղի հարևանների համեմատ ավելի երկար, ավելի մեծ թվով իմպուլսներով և մի փոքր ավելի բարձր հաճախականությամբ:

Արտաքին և ձայնային տարբերություններից բացի, R. hwata-ն ցուցաբերում է առանձնահատուկ վերարտադրողական վարքագիծ. մեկ արուն զուգավորվում է մի քանի էգի հետ, մինչդեռ որոշ հարակից տեսակներ, ինչպիսին է R. imitator-ը, մոնոգամ են։

R. hwata-ի կարևոր առանձնահատկությունը նրա սերտ կապն է որոշակի բույսի հետ։ Գրեթե բոլոր նմուշները հայտնաբերվել են Գուադուա բամբուկի թփուտներում, որտեղ էգերը ձվադրում են, իսկ գորտուկները զարգանում են ցողունների ջրով լցված փոսիկներում։ Որոշ այլ տեսակներին բնորոշ կանիբալիզմը R. hwata-ին հատլանշական չէ։

«Մեզ ամենաշատը զարմացրեց այն, թե այս տեսակը որքան խիստ է կախված Գուադուա բամբուկից։ Ի տարբերություն այլ տեսակների, որտեղ այս վարքագիծը սահմանափակվում է որոշակի պոպուլյացիաներով, R. hwata-ն, կարծես, ամբողջությամբ սահմանափակվում է այդ թփուտներով»,- պատմել է հետազոտության գլխավոր հեղինակ Էվան Տուոմին։