Ազգ բանակի պահանջով

Օրը սկսեցինք երեք զինծառայողների զոհվելու մասին լուրով: Լսեցինք, իսկ կյանքը շարունակվում է այնպես, կարծես որեւէ էական միջադեպ կամ ողբերգույուն չի եղել:

Հերթական անգամ զոհեր ունենք ոչ թեհակառակորդի ձեռնարկած գործողության, այլ անզգուշության կամ անհայտ այլ պատճառներով: Պաշտոնական հաղորդագրության համաձայն, տղաները զոհվել են ականի պայթյունի հետեւանքով:

Եւ բավարարվել միայն, ցավոք, սվորական դարձած ցավակցականով, կարծում ենք սխալ է: Նախ ցավակցել պետք է ոչ միայն զոհերի ծնողներին, հարազատներին, այլ ամբողջ երկրին, ժողովրդին, չէ որ նրանք ռազմաճակատի գծում մեր անդորրն ու խաղաղությունն են ապահովում:

Գուցե ժամանակն է, որ նման դեպքից հետո սուգ հայտարարվի, որ հանրապետական էլիտան գոնե մի քանի օր սթափվի, կտրվի քեֆ-ուրախությունների վիճակներից եւ զինվորների կենացը խմելու փոխարեն մտածեն ինչ պետք է անել, որ ազգ-բանակն իրոք կայանա, որ զինվորների անվտանգությունն ապահովվի գրեթե հարյուր տոկոսով: Վերջին հաշվով զինվորները մարդ են, բարձրագույն էակ, եւ ոչ թե խաղալիք, որ նրանց անվտանգությունն այս աստիճանի վրա լինի:

Եւ հիմա մի քանի հարց է առաջանում, որոնք սպասում են իրենց պատասխանին.

1. Ինչ քայլեր են ձեռնարկվում բանակում կարգուկանոնը բարձրացնելու եւ զինվորների անվտանգությունն ապահովելու համար:

2. Կոնկրետ այս դեպքում ինչ է տեղի ունեցել, եւ ինչու է պայթել ականը, որի հետեւանքով երեք զոհ ունենք:

3. Ով է մեղավոր տեղի ունեցածի համար (գոնե ներքին հետաքննության համար պետք է մանրակրկիտ պատասխան տրվի այս հարցին):

4. Ով է պատասխան տալու կատարվածի համար:

5. Ինչ պատրաստվածություն են անցնում զինվորները, բոլոր զինծառայողները առաջնագծում հայտնվելուց առաջ:

6. Եթե ականը պայթել է ոչ թե ուսումնական պարապմունքի ժամանակ,այլ նախապես տեղադրված տեղում, ապա ինչ գործ ունեին զինվորները ականապատ դաշտում:

Ժամանակն է, որ որպես ազգ, հասարակություն, պետություն այլեւս նման լուրերին հենց այնպես չվերաբերվենք, կարդանք, տխրենք եւ անցնենք: Անհրաժեշտ են կոնկրետ եւ հստակ քայլեր նմանատիպ ողբերգությունները կանխելու համար: Սա էլ թշնամու անակնկալ հարձակում չէ, որ կորուստներն անխուսափելի լինեն:

Հասարակությունը բանակը պետք է ուշադրության կենտրոնում պահի եւ ոչ միայն կենացներով եւ երգեր երգելով բավարարվի:

Top-News.am

Այս թեմայով Ինչո՞ւ է Նունե Եսայանը հանդիպել ՊՆ նախարարի հետ Ադրբեջանի զինուժի կրակոցից 21-ամյա զինծառայող է վիրավորվել. Վիճակը ծայրահեղ ծանր է Զինվորները փորձել են 90-ականների բարքերով զորամասում իրենց կարգը դնել ու պատժվել են․ Արծրուն Հովհաննիսյան Հայկական հրետանային զորամասում «ՍԿԱԴ» հրթիռային համալիրով գործնական պարապմունք է անցկացվել Այդ աստիճանի լարում չկա, որ անհրաժեշտ լինի դիմել այլ կառույցների. Իրավիճակը վերահսկվում է. ՊՆ խոսնակ