«Մերկ լուսանկարվելու համար համարձակություն պետք է միայն այլասերված հասարակությունում»

Հարցազրույց ռուսաստանցի սկանդալային մոդել Լիանա Կլեւցովայի հետ, որը վերջերս Ռուսաստանում մեծ աղմուկ առաջացրեց Հոկտեմբերյան հեղափոխությանը նվիրված իր ֆոտոսեսիայով: Տասը հարց եւ տասը հետաքրքիր պատասխան Top-News.am-ի ընթերցողների համար:

- Մոդելի ամենակարեւոր երեք հատկանիշները:

- Առաջին հերթին մոդելը պետք է հոգեւոր գեղեցկություն ունենա, ինչպես նաեւ լինի կարգուկանոնով մարդ եւ կարողանա կերպարներ կերտել: Ինչ վերաբերում է 90-60-90-ին եւ 170 սմ-ից բարձր հասակ ունենալուն, ապա դրանք կարծրատիպեր են, որոնք վաղուց մոդելային աշխարհում եւ բիզնեսում լուրջ չեն ընդունվում: Բազմաթիվ են օրինակները, երբ մոդելային բիզնեսում ամենավերին բարձրունքներին են հասել ոչ թե 90-60-90 չափսերն ունեցողները, այլ վառ անհատականությունները: Ես ինքս չեմ համապատասխանում մոդելի կարծրատիպային չափանիշին, քանի որ հասակս ընդամենը 165 սմ է: Եղել է ժամանակ, երբ ինձ ասում էին` աղջիկ ջան, դու մոդելի համար անհրաժեշտ հասակը եւ մարմնի կառուցվածքը չունես, բայց հիմա, չգիտես ինչու, արդեն ունեմ, բայց հիմա էլ շատ աղջիկների ճնշում են զուտ միայն նրա համար, որ ցածր են 170 սմ հասակից: Ես երբեք չեմ աշխատի նրանց հետ, ովքեր կարեւորում են այդ չոր թվերը, եւ կաշխատեմ ու կհամագործակցեմ նրանց հետ, ովքեր վառ անհատականույուններ եւ տաղանդավոր մարդիկ են փնտրում:

- Ինչպես եք սովորաբար պատրաստվում հերթական ֆոտոսեսիային:

- Ես իմ աշխատանքը հաճախ համեմատում եմ հատուկջոկատայինների հետ: Կարելի է երկար եւ մանրակրկտորեն նախապատրաստել հատուկ գործողությունը, մշակել ամեն մի մանրուքը, բայց հենց սկոսվում է բուն գործողությունը ամեն ինչ ընթանում է ոչ այնպես, ինչպես ծրագրել էիր: Լինում է նաեւ, որ գնում ես ֆոտոսեսիային բոլորովին անպատրաստ եւ նկարահանումից մեկ րոպե առաջ ես իմանում, թե քեզնից ինչ է պահանջվում: Իսկ ամենասարսափելին այն է, երբ քեզ ասում են` դիմիր իմպրովիզի, մենք քեզ վստահում ենք:

- Ինչպիսի մարզաձեւով եք զբաղվում:

- Հաճախ այս կամ այն կերպարը ստեղծելու համար ոչ միայն գեղեցիկ արտաքին եւ մարմին, այլ նաեւ ամուր առողջություն է պետք լինում, հատկապես, երբ նկարահանումներն ընթանում են սառնամանիքին: Անհրաժեշտ է լինում նաեւ ամուր ֆիզիկական պատրաստվածություն: Այնպես որ, սպորտը մեր գործի դաշնակիցն է: Ես այս կամ այն մարզաձեւը նախընտրում եմ կախված տարվա եղանակից: Ամռանը ես զբաղվում եմ հեծանվավազքով եւ լողով, իսկ ձմռանը սնոուբորդով եւ պարերով:

- Ինչ գիտեք Հայաստանի եւ հայերի մասին:

- Ես Հայաստանում երբեք չեմ եղել եւ Հայաստանն իմ համար առաջին հերթին մարդիկ են: Մեծ թվով տաղանդավոր հայեր ապրում են աշխարհի այս ու այն երկրում եւ ներկայացնում են Հայաստանը: Եւ չեմ կարող հատուկ շեշտել, որ երբ շփվում ես հայերի հետ միշտ դրական էներգիա ես ստանում: Միաժամանակ ստանում ես բարություն եւ հումորի մեծ չափաբաժին: Իսկ թե ինչպես են հայերը վերաբերում ընտանիքին` միայն հիացմունք է առաջացնում: Ընտանիքում միշտ շատ են երեխաները, ընտանիքի անդամները կանգնած են մեկը մյուսի թիկունքին եւ միշտ միմյանց օգնում են, ավելին, պատրաստ են օգնել եւ օտարներին: Միայն ուժեղ մարդիկ կարող են այդպիսին լինել: Ցավոք, ես գիտեմ, որ բացի լուսավոր հատվածներից, հայ ժողովրդի պատմությունը ունի նաեւ ողբերգական հատվածներ: Ես ծանոթ չէի հայ ժողովրդի պատմությանը, բայց մի օր մեր քաղաքում հանդիպեցի Հայաստանի դրոշներով ավտոշարասյան եւ ինձ բացատրեցին, որ հայերը նշում են ցեղասպանության օրը, հարգում զոհերի հիշատակը: Սա հարգանքի արժանի քայլ է, երբ օտարության մեջ ապրող հայը շարունակում է ապրել իր երկրի առօրյայով, հարգում ավանդույթները եւ նշում տոները: Այնպես որ, Հայաստանն առաջին հերթին իմ համար մարդիկ են: Բայց լիահույս եմ, որ մի օր անպայման կլինեմ Հայաստանում, որի գեղեցկությանը ծանոթ եմ միայն լուսանկարներից: Եւ խոստովանեմ, որ շատ եմ սիրում «System of a down» խումը եւ հատկապես Sky Is Over երգը: 

- Ինչպիսին պետք է լինի ձեր իդեալական լուսանկարիչը:

- Իմ իդեալական լուսանկարիչը հենց ես եմ: Ես համապատասխան դիպլոմ ունեմ, բացի այդ կուռքեր չեմ ստեղծում, հետեւելով հայտնի Գրքի խորհրդին: Այնպես որ, ես իդեալական լուսանկարիչ չունեմ: Լուսանկարիչը նաեւ ոճաբան պետք է լինի, եւ նաեւ կարողանա ավտոմեքենան բենզին լցնել: Եկեք առաջին հերթին մարդ լինենք, ապա նոր այս կամ այն մասնագիտության ներկայացուցիչ:

- Ձեր պրոֆեսիոնալճանապարհի սկզբում ամաչում էիք մերկանալ, մասնակցել ֆոտոսեսիաներին: Ամաչում էիք լուսանկարչից, օպերատորից, նկարահանող խմբից: Ինչպես հաղթահարեցիք ամոթի զգացումը:

- Մերկ լուսանկարվելը կամ ինչպես ընդունված է ասել, նյու ոճով լուսանկարվելն առաջին հերթին բողոք էր, բացի այդ ցանկանում էի ինքնս ինձ համոզել, որ կարող եմ: Առաջին անգամ մերկ լուսանկարվել եմ, երբ դեռ 17 տարեկան էի: Իմ բախտից աշխատում էի պրոֆեսիոնալների հետ, որոնք մոլագարական հակումներ չունեին: Այդ նկարահանումներն անցում էր մի վիճակից մյուսին եւ ոչ մի պայքար էլ չկար: Այս մտքերը ես գրի եմ առել 18 տարեկանում: Ուզում եմ նաեւ շեշտել, որ բոլոր նրանք, ովքեր սպառնում են ինձ, ասում, որ իմ վրա ծծմբաթթու կլցնեն, ցանկանում իմ մահը, խոստանում այլանդակել մարմինս, կտտանքների ենթարկել, ընդամենը հաստատեցին, որ ես ամեն ինչ ճիշտ եմ անում: Եւ միաժամանակ շնորհակալ եմ բոլոր նրանցից, ովքեր աջակցում են ինձ, ժպտում ինձ հետ միասին օգնում եւ լավ խորհուրդներ տալիս: Ես  հասկացա, որ մերկ լուսանկարվելու համար համարձակություն պետք է միայն այլասերված հասարակությունում: Աշխարհում, որտեղ չկա չար, ատելություն, ցինիզմ եւ կեղտ, մերկ լուսանկարվելն ընդամենը գեղեցիկ արվեստ է, որը պահանջում է ստեղծագործ միտք, ներշնչանք եւ հոգու գեղեցկություն: Այդ աշխարհում վախեր եւ այն հաղթահարելու համար համարձակություն չկա:

- Ունեք լուսանկար, որն ամենաշատն եք հավանում: Ինչու հենց այն:

- Գիտեք, չունեմ նման լուսանկար: Յուրաքանչյուր լուսանկար արժեքավոր է յուրովի եւ որոշակի հիշողություններ է պարունակում: Բայց գիտեք, որքան էքստրեմալ էին լուսանկարահանման պայմանները, այնքան տպավորություններն ավելի ուժգին են:

- Ամենասիրած գիրքը, զբաղումնքը, հոբին:

- Ամենասիրած գիրքը Բուլգակովի «Վարպետը եւ Մարգարիտան» է: Հոբին այն ամենն է ինչ կապված է նկարչության եւ կարուձեւի հետ:

- Ձեր երազանքի նկարահանումը: Ում մոտ կցանկանայիք նկարահանվել կամ ինչ նախագծերում:

- Երազում եմ մեծ կինոյում նկարահանվելու մասին: Ինչ վերաբերում է լուսանկարչությանը, ապա մասնակցել մի նախագծի եւ լուսանկարվել այնպես, որ մյուսները չկարողանան: Ցանկանում եմ ինձ ապացուցել, որ կարող եմ անել այն, ինչ մյուսները չեն կարող:

- Ինչպիսին կցանկանայիք տեսնել Ռուսաստանը եւ դուք ձեր լուսանկարներով պայքարում եք ինչ-ինչ սոցիալական կամ քաղաքական հարցեր լուծելու համար, թե ոչ:

- Պարզապես ես անտարբեր չեմ մեզ շրջապատող երեւույթների նկատմամբ: Մերկանալ կադրում` բարդ չէ: Բարդը հանվելն է այն նախագծում, որի օգնությամբ մարդուն կհասցնենք այս կամ այն միտքը կկարողանանք նպաստել, որ այս աշխարհն ավելի բարի եւ լավը դառնա: Ես ուզում եմ, որ իմ մերկ մարմինը կադրում մարդուն ստիպի մտածել այս կամ այն հարցի շուրջ: Ես նաեւ սիրում եմ Ռուսաստանը եւ ուզում եմ, որ այն ավելի լավը դառնա: Ես ուզում եմ, որ Ռուսաստանն այնպիսին լինի, որ այն մատնացույց անեն ամբողջ աշխարհում: Եւ ես երազում եմ, որ վերանան սահմանները եւ մարդիկ անկաշկանդ եւ առանց խոչընդոտների երկրից երկիր գնային:

Top-News.am