Ինչ սպասել Պուտին-Փաշինյան մոսկովյան հանդիպումից

Այսօր տեղի կունենա շատերի կողմից երկար սպասված Պուտին-Փաշինյան հանդիպումը:

Ոմանք ակնկալում էին, որ Նիկոլ Փաշինյանը ընդհանրապես Մոսկվա չի գնա, ոմանք էլ պնդում էին, թե նա մասնակցելու է ոչ միայն ԵԱՏՄ գագաթնաժողովին, այլ նաեւ ներկա է գտնվելու ՌԴ նախագահ Վլադիմիր Պուտինի երդման արարողությանը եւ մայիսի 9-ին նվիրված միջոցառումներին:

Տեղի ունեցավ այս երկուսի միջինը: Փաշինյանը կմասնակցի ԵԱՏՄ գագաթնաժողովին, այլ նաեւ առանձնազրույց կունենա Պուտինի հետ, ինչը, կարելի է եւ անակնկալ համարել, եթե հաշվի առնենք ՀՀ իշխանությունների վարած քաղաքականությունը Ռուսաստանի նկատմամբ:

Իհարկե, վաղուց արդեն ՌԴ նախագահը Նիկոլ Փաշինյանի հետ կապված իլյուզիաներ չի տածում, բայց կարծես պատրաստ է նրան հանդուրժել դեռ որոշ ժամանակ:

Հազիվ թե այլ պարագայում ՌԴ նախագահը համաձայներ հանդիպել ՀՀ վարչապետի հետ:

Ի՞նչ ակնկալել այս հանդիպումից: Միայն այն, որ ՀՀ-ՌԴ հարաբերություններում որոշակի նորմալացում կարձանագրվի, բայց խոսել հարաբերությունների նորմալացման եւ ջերմության մասին, կարծում ենք ավելորդ է:

Top-News.am