Բայդենը պնդում է, թե Նեթանյահուն Պաղեստինի անկախության կողմնակից է

ԱՄՆ նախագահ Ջո Բայդենը Իսրայելի վարչապետի հետ ուրբաթ կայացած խոսակցությունից հետո հայտնել է, որ Պաղեստինի անկախ պետության ստեղծումը «անհնար» չէ, քանի դեռ Իսրայելի վարչապետ Բենիամին Նեթանյահուն իշխանությունում է, տեղեկացրել են ամերիկյան ԶԼՄ-ները։

ԱՄՆ նախագահը մեկ ամսում առաջին անգամ զրուցել է Նեթանյահուի հետ Պաղեստինի ապագա պետության շուրջ տարաձայնությունների մասին։

ԱՄՆ նախագահն ասել է, որ Նեթանյահուն «դեմ չէ երկու պետության մասին բոլոր որոշումներին», եւ կան մի քանի տարբերակներ։

Երկու երկրների ղեկավարները քննարկել են պատանդների անվտանգության ապահովման ջանքերը, ինչպես նաեւ այն, որ Իսրայելը պետք է անցնի ավելի «նպատակաուղղված» գործողությունների Գազայում, նշել է Սպիտակ տան մամուլի քարտուղար Ջոն Քիրբին։

Նա լրագրողներին ասել է, որ Բայդենը փորձել է պլանավորել այդ զանգը «բավական երկար ժամանակ»։ Նա նաեւ հերքել է այն, որ զանգն արվել է ի պատասխան Նեթանյահուի հինգշաբթի օրվա մեկնաբանությունների, որն ասել էր, որ առարկում է Պաղեստինի պետականության դեմ։

Բայդենն իր հերթին հաստատել է, որ պատրաստ է աշխատել, որպեսզի օգնի պաղեստինցիներին առաջ ընթանալ պետականության հարցում։

Պատասխանելով հարցին, թե անհնար է արդյոք երկու պետության հարցի լուծումը, քանի դեռ Նեթանյահուն իշխանությունում է, Բայդենն ասել է. «Ոչ, այդպես չէ»։

Նա ասել է, որ Նեթանյահուն դեմ չէ երկու պետությունների մասին բոլոր որոշումներին, եւ կան մի քանի հնարավոր տարբերակներ՝ ավելացնելով, որ ՄԱԿ որոշ անդամներ զինված ուժեր չունեն։

Բայդենին հարցրել են, թե արդյոք նա կվերանայի Իսրայելին օգնության տրամադրման ջանքերը՝ հաշվի առնելով Նեթանյահուի մեկնաբանությունները երկու պետության որոշումը մերժելու մասին։ «Ես կարծում եմ՝ մենք կկարողանանք մի ինչ-որ բան մտածել... Ես կարծում եմ՝ կան միջոցներ, որոնք կարող են արդյունք տալ»,- ասել է նա։

Բայդենը եւ Նեթանյահուն համակարծիք չեն պաղեստինցիների համար պետություն ստեղծելու հարցում։

«Նախագահը քննարկել է նաեւ իր տեսլականը Իսրայելի համար ավելի ամուր խաղաղության եւ անվտանգության մասին՝ լիովին ինտեգրում տարածաշրջանում, եւ երկու պետությունների մասին որոշում, որը կերաշխավորի Իսրայելի անվտանգությունը»,- նշված է նրանց զրույցի վերաբերյալ Սպիտակ տան հայտարարությունում։

Այս թեմայով Տարին սկսեցին նոր սպանություններով Սուր քննադատություն Իսրայելի հասցեին Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ Իսրայելը ֆինանսավորել է ՀԱՄԱՍ-ին, որպեսզի թուլացնի Պաղեստինի ինքնավարությունը. Բորել Պաղեստինցիների դաժան սպանությունը շարունակվում է նաեւ այս տարի