Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ

Թուրքիայի խորհրդարանի նախագահ Նուման Քուրթուլմուշը երախտագիտություն է հայտնել Հարավային Աֆրիկային Գազայի հատվածում Իսրայելի գործողությունների վերաբերյալ Միջազգային դատարանում վարույթ սկսելու նախաձեռնության համար։ Այդ մասին նա հայտարարել է Անկարայում տեղի ունեցած միջոցառման ժամանակ, երբ ներկայացվել է «Գազա. մարդկության աղետը» զեկույցը, փոխանցում է «ՏԱՍՍ»-ը։

«Անշուշտ, մեր պարտքն է մեծ երախտագիտություն հայտնել և շնորհավորել Հարավային Աֆրիկայի կառավարությանն ու հարավաֆրիկյան ժողովրդին: Թուրքիան երբեք մենակ չի թողնի Հարավային Աֆրիկային այս կարևոր գործի համար իր պայքարում»,- ասել է նա։

Քուրթուլմուշը կարծիք է հայտնել, որ Հաագայում ընթացիկ դատավարությունից հետո Իսրայելը նույնպես կկանգնի ռազմական հանցագործությունների միջազգային դատարանի առաջ։

«Երբ Կարաջիչը զանգվածային սպանություններ կատարեց, նա մտածեց, թե կարող է հեշտությամբ ազատվել: Նեթանյահուն և նրա հանցախումբը նույնպես կարծում էին, թե իրենց կատարած ջարդերն աննկատ կմնան։ Նրանք չպետք է հույսը դնեն դրա վրա: Հուսով եմ՝ ավելի ուշ նրանց միջազգային դատարանում կդատեն ռազմական հանցագործությունների համար»,- ասել է Քուրթուլմուշը։

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին